1 Geb degine, an sogded:
2 Ar bemar igar-nued bur isdar dakmalad,
3 Bemar ibgwensur an-dulamar imakdimalad.
4 Bemar ibagwengi Bab-Jehováʼse gotemaloed,
5 Bab-Jehová weyob bemar-annik soged:
6 Degisoggu, an bar bemarga an-ibmar-sabiedi sogosulid.
7 An-gayaburba-barsogmaladi, bingedar itodmaloed.
8 Andi, Miqueas, Bab-Jehová-Burba nue-nika gudiid.
9 Jacob-dulemar-negsemamaid, Israel-dulemar-e-dummagan, be nue an-itomalo.
10 Ablis-eogedgi Sión-neggwebur be sobsamalad
11 Be-dummagan-negsemaladi, dule-baiganse-manigi-baklegar igar nabomalad.
12 A-ulale, bemar-nukine Sión-neggwebur nainu-imuar-naidaedyob guoed.