1 Job Bildad-abin weyob sogded:
2 “¿Weyob be dule-gegudiid-bendaksunde?
3 Ibiyobi dule-ibmar-wissulidga binsaed-nued-uke an be-dake.
4 ¿Doa weyob-sunmakedgi be-odurdaksa?
5 “Dule-burgwarmalad demar-wilad-urbali-mamaidi,
6 Burgwarmalad-meged-galumar bela Bab-Dummad-asabinni, magar daklemamaid.
7 Bab-Dummadi, bela nibneg-naid neg-olloledgi nasiksad,
8 Bab-Dummadi, mogirmargi dii nasiksabalid,
9 Bab-Dummadi, nii-dalunaid-eduegala,
10 Bab-Dummadi, magatibali demargi igar-maiyob imaksad,
11 Bab-Dummad-urwed-abinni nibneg-bargamaladi,
12 Bab-Dummadi, e-ganguedgi demar-uurmaked obogileged.
13 Bab-Dummadi, e-bunnogedgi mogir oaisakied.
14 We-ibmar unnila-sikwas Bab-Dummad-e-gangued oyonaid.