1 Bab-Jehová anga sogded:
2 “Dule-machi, Tiro-e-reyga be soge: Bab-Jehová-Bela-Gangued-Nikadi weyob sogye:
3 ¿Ar Danielʼba bur be binsaed-ibedsi?
4 Be-binsaed-nika-guedba, be-ibmar-nue-wisidba, ibmar-nuegan bukidar be nikad.
5 Mani-onogedgi-arbaedi, be nue-wisid,
6 ”A-ulale, ani Bab-Jehová-Bela-Gangued-Nikadi weyob soged:
7 A-ulale, dulemar-ainebarmalad begi duurmakdagega an imakoed.
8 Napa-yaba be-balimetemaloed,
9 Dulemar-be-oburgwemaloed-asabin, ¿amba be sogoe: Ani an Bab-Dummadye?
10 Dulemar-ainebarmalad sabsur-be-imakmaloed,
11 Bab-Jehová anga sogded:
12 “Dule-machi, Tiro-e-reyga wile-itoged-namaklegedgi be namake, ega be soge, Bab-Jehová-Bela-Gangued-Nikadi weyob sogye:
13 Bab-Dummad-nainu-Edénʼye-nugadgi, be galagwensuli-akwamar uniryeerdaklemalad,
14 Baliwitur-querubinʼga an be-nug-imaksad,
15 Be-obinnilesad-iba-akale, geb isgued be-ulubgi-nai daklenonikidse,
16 Be ibmar-manigi-uked-bukidar-nikadba, sabsur-emar-imakde gusad, degi, isgudegusad.
17 Be-yeerdakleged-ulale, be san-dummarba imaksad.
18 Bela-bela be-isgusad-ulale, be-mani-onogedgi-isgusad-ulale, be-bab-dummadse-goled-negmar be oichosad.
19 Bela dulemar-yar-baid-baidgi-bukwamalad-magar-be-dakmaladi, be-dakarmalale, dobgus bukusdamalad.
20 Bab-Jehová anga sogded:
21 “Dule-machi, Sidón-neggwebursik be atake, egi ibmar-guoed iduakwaa be soge.
22 Bab-Jehová-Bela-Gangued-Nikadi weyob sogye, ega be soge:
23 ” ’Uelleged-dummad an begi barmidagoed,
24 ” ’Dulemar-e-yar-dikarba-bukwamaladse Israel-dulemar bar isdar-daklegosulid.
25 Bab-Jehová-Bela-Gangued-Nikadi weyob soged: “Ar Israel-dulemar yar-baid-baidse-oaisakiles-gusmalad, an gannar danar-oambikusale, an-isligwaled, dulemar-yar-baid-baidgi-bukwamalad-wagab an ega oyogoed. Geb degine, Israel-dulemar na e-yargi gudii gumaloed. We-yardi, an-mai-Jacobʼga an uksa gusad.
26 A-yargine, dobgued-sate gudimaloed, negmar sobmaloed, uvaʼmar digmaloed, ar ade, dulemar-e-yar-dikarba-bukwamalad, Israel-dulemar-isdar-dakdimalad, igar-maidba an sabsur-odurdakoed. Wisgumaloed, ani an e-Bab-Dummad-Jehová gue.”