1 Jotam birga-dulagwen-gakatar-nikadgi (25) yar-sealid. Jerusalénʼgi birgambe-gakanergwa (16) yar-sesad. E-nandi Jerusaʼye-nugad Sadoc-e-sisgwad.
2 Jotam, Bab-Jehováʼga ibmar-nueganbi imakdii gusad, bela e-bab-Uzías-ibmar-imaksayobi, imaksamogad. Degi-inigwele, Jotamʼdi, Bab-Jehováʼse-goled-negyaba dogsasur gusad. Dulemardina, bur bule igar-isganaba nanabukwa gusad.
3 Rey-Jotam we-negmar sobsad:
4 A-ukinbali, Judá-yar-mullugangi neggweburmar urbisbalid,
5 Rey-Jotam, Amón-dulemar-e-reygi-bila-onosad. Jotam egi nakwisad.
6 Jotam gandik-megnonisunnad, ar ade, nue-inniki e-Bab-Dummad-Jehováʼba nanasad.
7 Jotam bela e-ibmar-imaksad, degi, bila-onosad, e-nanasad, Israel-reymar-e-gardagi, degi, Judá-reymar-e-gardagi narmakar maid.
8 Jotam birga-dulagwen-gakatar-nikadgi (25) yar-sealid, degi, Jerusalénʼgi birgambe-gakanergwa (16) yar-sesad.
9 Jotam burgwenonigua, David-neggweburgi e-dadgan-mamaidgi digsamarmogad. A-sorba, e-machi-Acaz yar-seega megnonikid.