1 Bab-Dummad-Burba anmarga nue ise-sogar imaknaid. Anmarga soged, ibagan bergudanikile, bukidar Bab-Igargi bangudmaloye.
2 We-dulemarde, dulemar-wagar-darbo-damalad-itodmaloed, degi, dulemar-gakansaerbamalad itodmarbaloed.
3 A-dulemarde noar odurdakmalad.
4 Ar Bab-Dummad-bela-ibmar-obinnisadi, ibmar-nueganbiid. Degisoggu, ar Bab-Dummadga-dogdar-nuedye-soglegedgi, ibmar-abingaleger, gwen oballege-wilubsulid. Bela abingalege-wilubbiid.
5 Ar Bab-Dummad-Gayaburbagi, degi, Bab-Dummadse-goledgi we-ibmar bela swilidik gued.
6 Ar be we-igargi gwenadgan-odurdakele, be Jesucristoʼga-arbaed-nuedga guoed.
7 Mer we-napneggi-binsa-nabir-nue-sunmaklemalad be itogo, degi, mer be binsa-igar-onolegedgi-sunmakmaladgi binsabalo.
8 Ar abaganmar-ogannolegedi igar-nuedindo, degi-inigwele, ulubgi-burba-ogannoleged bur-igar-nuedid. We-burba-ogannoleged, emisgwa-gudiguedgarbisulid, yoedse Bab-neggi-gudii guedgarbalid.
9 We-igar napiragwadid, bela dulemar benguewilubsurmalad, bela abingaewilubmalad.
10 Ar a-ular, anmar dulemar-anmargi-urwed-abargi, Bab-Igargi alamaknaimarsunnad.
11 We-ibmar an bega sogsadyob, be Bab-Jesúsʼgi-bensurmaladga sogmogoed, deyob be odurdakbaloed.
12 Be sapingwagwad-ular, mer dulemar ibgwensur-be-dakega be imako. Aka bur gwenadgan-Jesúsʼba-nanaimaladga na be-daed-nued be oyogoed,
13 Timoteo, an-bese-nadapoedse, gwenadganga gatik be Bab-Dummad-Garda absogo, gatik be gwenadgan-ogannogo, degi, gatik be gwenadgan-odurdakbalo.
14 Bab-Dummad bega-gurgin-nued-uksadi be nue ebugo, ar wede bega uklesad. Deun, Jesúsʼba-nanaimalad-e-idumalad-danar-bukwa Bab-Dummad-sogedba na e-arganmar be-nonogi mesismargu, bega uklesad.
15 We igargan an-bega-sogsadginbi be gatik alamaknai sao. Aginbi be nanao, adi, baigan Bab-Jesús-Igargi be-nasgumaid mag be-dakmalagar.
16 Timoteo, nue-salakar, be-daed nued-oyodii be guo. Deginbali, be-ibmar-odurdaked nuekwaa be odurdakdii gubalo. Ar deyob be imakele, na be san-bendakoed. Deginbali, dulemar-be-itodimalad be bendakbaloed.