1 Deyob, Bab-Dummad-Dadganbo-Igar-Mesisad-Ulu selear gusad. Geb David-dordoneg-ega-sobsadgi sinonimalad. Agine, Bab-Dummadga ibmar-durgan ogumakar uksamalad, degi, gwenatigwar-guega Bab-Dummadga ibmar uksamarbalid.
2 David, Bab-Dummadga ibmar-durgan-ogumakar uksad-sorba, degi, gwenatigwar-guega Bab-Dummadga ibmar uksad-sorba, David, dulemarga, Bab-Jehová-nuggi nued-ibmar-gusana yeerbanye sognai gualid.
3 Degi, David, bela Israel-machergan-iliba, degi, omegan-iliba madu-ologana ega uksad, degi, dátil-dinnagana annugwen ega uksabalid, degi, uva-dinnagana annugwen ega uksabalid.
4 David, Bab-Jehová-Ulu-walik-arbamalagar Levita-dulemar-abar onug-imaksad. Adi, Israel-e-Bab-Dummad-Jehováʼse-gormalaga, degi, ega dog-nuedye-sogega, degi, Bab-Jehová-e-nug-odummomalaga.
5 Asaf, e-dummadid. Zacarías, e-yarbalidid,
6 Deginbali, dule-irwa-Bab-Dummadse-gormalad, Benaía, degi, Jahaziel, Bab-Dummad-Dadganbo-Igar-Mesisad-Ulu-asabin gusgu gar-trompeta-ogornai damalad.
7 A-ibagi, David Asafʼga, degi, Asaf-e-gwenadganga gebe igar-uknonikid, adi, Bab-Jehováʼga we-namakedgi namakmalagar:
8 “¡Bab-Jehováʼga dog-nuedye be sogmala!
9 ¡Bab-Jehováʼga namakmala!
10 ”¡E-nug-isligwaledgi wergumala!
11 Bab-Jehová-Gandik-Maidse be dagmala.
12 Bab-Jehová-ibmar-dummagan-imaksadgi be binsamalo.
13 ”Bemar, Bab-Jehová-e-mai-Israel-e-wagan gumalad.
14 Bab-Jehová, anmar-Bab-Dummad gued.
15 E-igar-degisadegu-na-mesisadi, iemaisulid.
16 Deginbali, Bab-Jehová Abrahamʼbo-igar-mesisadi,
17 Deginbali, Jacobʼga-igarmar-mesisadi, bargindinai gusad.
18 Israelʼga Bab-Jehová weyob sogsa gusad:
19 ”Deunni, bemar-dadgan ichee merguenad,
20 Deginbali, be-dadgan yar-baid-baid obakdidimalanad,
21 Degi-inigwele, Bab-Dummad, dule-bamalad be-dadgan-sabsur-imakega imaksasulid.
22 ‘Dulemar-an-maiga-sulesmalad, mer oakalomalo.
23 ”Bela dulemar-napneggi-gudidimalad, Bab-Jehováʼga namakmalo,
24 Dulemar-abargi, Bab-Jehová-e-gangued-yeerdaklegedgi be namakmalo,
25 Ar Bab-Jehová, dule-dummadid,
26 Ar bela bab-dummad-baigan-yar-baid-baidginmaladi, bab-dummagansurmalad, binsarmaladid.
27 Bab-Jehová bela-bela yeerdakleged, degi, bur-gangued-nika maid.
28 ”Dulemar-yar-baid-baidgi-bukwamalad, bemar, Bab-Jehová-nug-dummarba-gued odummomarsun.
29 Bab-Jehová-asabin dagmar,
30 Bela-neg-ugakaase, Bab-Jehová-asabin dobee itomalo.
31 ¡Nibnegmar, wergumar!
32 ”¡Demar, uurmake!
33 Bela sapimar sapurba-bukwad, Bab-Jehová-asabin, weligwaledba namakmar.
34 ”Bab-Jehováʼga doggus-nuedye be sogmar,
35 Ega be sogmar: ‘Bab-Dummadye, be anmar-bendake.
36 Israel-e-Bab-Dummad-Jehová, be-nug dummarba gusun.
37 Degisoggu, David, Asaf-onug-imaksad, degi, Asaf-e-gwenadgan-onug-imaksabalid. Adi, Bab-Jehová-Dadganbo-Igar-Mesisad-Ulu-asabin, bane-bane igar-maidba Bab-Dummad-nug-odummogedgi arbadii gumalagar.
38 Deginbali, David, yawagak-dakmalaga, wemar onug-imaksabalid:
39 Degi, David, dule-irwa-Bab-Dummadse-goled-Sadocʼye-nugad, degi, e-gwenadganmala, Bab-Jehováʼse-gorleged-neg-Gabaónʼgi-siidgi arbamalaga onug-imaksabalid.
40 Adi, wemar, Bab-Jehováʼse-gorleged-neggi, bane-bane wakdaradbali, degi, sedogidbali, ibmar-durgan-ogumakar Bab-Jehováʼga ukmalagar. Igi Bab-Jehová Israel-dulemarga gardagi-narmakar Igar-uksa, abali imakmalagar.
41 Wemarba, David, wemar-onug-imaksabalid: Hemán, Jedutún, degine, dule-baigan onug-imaksabalid. Adi, wemar Bab-Jehováʼga doggus-nuedye sogega, degi, we-namaked-swilidikidgi namakmalagar: “Bab-Jehová-e-sabguedi, degisadeguad.”
42 Degi, Hemán, Jedutúnʼbogwa, we-namakedgi gar-trompeta, gar-címbalo, degi, gar-baigan Bab-Jehováʼga ogormaladid.
43 Degine, geb bela dulemar na e-neg-e-negse nadmalad. David e-negse nadmogad. Adi, e-neguyaginmaladgi nued-binsaegar.