1 We-sordamar David-bendakegala, Siclag-neggweburse nonimalad. Deunni, David, Quis-machi-Saúl-idu wakindigu, we-sordamar, bila-onogedgi David-bendaksa gusmalad.
2 We-sordamar sigu-mimalad-buleganad, degine, dubgi akwa-mimalad-buleganbalid. We-ibmar-ebugegala, argan-abinbela ebumalad.
3 Saúl-e-gwenadgan-e-dummad-Ahiezer,
4 Degi, Gabaónʼgined-Ismaías,
5 Eluzai, Jerimot, Bealías, Semarías, degi, Haruf-dule-Sefatías.
6 Elcana, Isías, Azareel, Joezer, degi, Jasobeam.
7 Deginbali, Jeroham-e-masmala, wemalad:
8 Gad-wagan-bila-onomalad nega-dulesulidganba-neg-gandik-siidse, David-maidse wakite-gusmarmogad. We-dulemar, dule-niga-gandikmaladid, dule-bila-onomalad-buleganad. Deginbali, we-dulemar, sigu-abgaed-ebuged nue-wisimaladid, degi, eswargi-nue-wisi bila-onomaladid. Achumiguryob urwemaladid, degi, goe-sapur-abarmakeyob gwae-gwae abarmakmaladid.
9 A-dulemar, wemalad:
10 Eliab-yarbalid, Mismana,
11 Jeremías-yarbalid, Atai,
12 Eliel-yarbalid, Johanán,
13 Elzabad-yarbalid, Jeremías,
14 Wemar, Gad-sorda-bila-onomalad-e-dummaganad.
15 We-dummaganmar, gebe-nii-gwisgusadgi, Jordán-diwar-nomaigu, Jordán-diwar-obaksa-gusmaladid. We-dulemala, dulemar-nebagi-bukwamalad dad-nakwedsik, degi, dad-argwanedsik-oduurmakega imaksamaladid.
16 Amba David neg-gandikidgi gudigua, Benjamín-wagan, degi, Judá-wagan-gwenna-gwenna David-maidse nade gusmarmogad.
17 Degi, David amar-abin-nodgu, ega sogded:
18 Degidgi, Bab-Dummad-Burba Amasaiʼgi aidenonikid. Geb Amasai, sorda-durgwen-gakambe-e-dummad (30) weyob sogded:
19 Manasés-wagan-gwenna-gwenna, David Filistea-sordamarba Saúlʼgi bila-ononadgusgu, Davidʼba nagusmarmogad. (Deunni, David, Filistea-sordamar-bendaksasurgusad, ar Filistea-e-dummagan igar-itosmargua, sogde gusmalad: “Ar David anmar-oburgwega gunaid, wede anmar-nono-egwannega gunaid. E-dummad-Saúlʼba gannar nagudoed, anmargi aibitoed.”)
20 Degisoggu, David Siclagʼse nonigua,
21 We-sorda-dummagan, dule-gandikmaladid, degi, sorda-bila-onomalad-idumaladga gusmarbalidid. We-dulemar, dule-ibmar-atursaega-yogasaar-ubononidamaladgi David-bendaksa gusmalad.
22 Degi, Davidʼga bane-bane sordamar mergumai gusad. Degisoggu, David, bela-bela sorda-ibedga gunonikid.
23 Sordamar-bila-onomalad-bulegan, Bab-Jehová sogsa gusadba Davidʼga Saúl-yar-semaid-ukegala Hebrón-neggweburse nonigusmalad.
24 Bila-onomalad-bulegan, eswar-gani-bila-onomalad, degi, sigu-abgaed-gani-bila-onomalad.
25 Simeón-sordamar gandik-bila-onomalad merguedi:
26 Levita-dulemar-merguedi:
27 Aarón-e-wagan-merguedi:
28 Sadoc, sapingwa-gandikid-buledid, e-gwenadgan-dummagan,
29 Benjamín-wagan-Saúl-e-gwenadgan-merguedi:
30 Efraín-dulemar-merguedi:
31 Manasés-wagan-negabalad-merguedi:
32 Isacar-dulemar-merguedi:
33 Zabulón-dulemar, sordamar-bila-onogedgi-durdakarmaladid, e-gingimar-akar-akar-ebumarbalidid, degi, Davidʼba nue-nanaimarbalidid.
34 Neftalí-dulemar-merguedi:
35 Dan-dulemar guakwaa bila-onogega-gudimaladi:
36 Aser-dulemar guakwa-bila-onogega-durdakar-bukwamaladi:
37 Degi, Jordán-diwar-obakar sordamar-bukwadi, wemalad:
38 Bela we-sordamar, bila-onogega gudimaladid. Wemar, Hebrón-neggweburse, Israel-yargi reyga David-onugsaega nadgusmaladid.
39 Degi, ar na e-gwenadgan-ega-ibmar-uksadba David-walik ibapaa gobbukwagusmalad, degi, mas-gunbukwagusmalad.
40 Degine, e-neg-dikarba-neggweburmar-bukwamalad, ibmar-bukidar Davidʼga senonimalad. Deginbali, Isacar-dulemar, Zabulón-dulemar, Neftalí-dulemar, amarse-bakar, ega ibmar-bukidar senonimarmogad.