Hebreus 1

1 ᐊᓂᑖᐦ ᐙᔥᑭᒡ ᒋᔖᒥᓂᑑ ᒥᐦᒑᑣᐤ ᒌ ᐊᔨᒥᐦᐋᐤ ᐊᓂᔮᐦᑳ ᐋᓂᔅᒑ ᑰᐦᑖᐐᓂᐤ᙮ ᒌ ᐋᐱᒋᐦᐋᐤ ᐊᓂᔮᔨᐤ ᐅᒋᔅᒋᐙᐦᐄᒑᓯᐤᐦ ᓂᓈᐦᑭᐤ ᒑ ᒌ ᐄᔑ ᐐᐦᑎᒥᔨᒡ ᑖᓐ ᑳ ᐹᒋ ᐃᔨᑦ᙮

2 ᐊᓅᐦᒡ ᒫᒃ, ᐅᐦᐄ ᒫᐦᒑᔨ ᐋᑎ ᒌᔑᑳᒑᐦ ᐅᑯᓯᔅᐦ ᐅᐦᒋ ᐋᑯᑖᐦ ᐙᐦᒋ ᐊᔨᒥᐦᐄᑎᐦᒄ᙮ ᐋᔨᐅᑯᓐ ᐅᔮᔨᐤ ᐅᐦᒋ ᐅᑯᓯᔅᐦ ᒋᔖᒥᓂᑑ ᑳᐦ ᐋᐱᒋᐦᐋᑦ ᒥᓯᐙ ᒑᒀᔨᐤ ᐊᐦᑖᑯᓃᔨᒡ ᑳ ᐅᔑᐦᑖᑦ ᑭᔮᐦ ᐋᔨᐅᑯᓐ ᐅᔮᔨᐤ ᑳ ᐅᐙᔮᐱᒫᑦ ᒥᓯᐙ ᒑᒀᔨᐤ ᒑ ᐋᔔ ᒥᔮᑦ᙮

3 ᐊᓐ ᐅᑯᓯᓯᒫᐤ ᐋᐦ ᑖᑦ ᐋᑯᑖᐦ ᐙᐦᒋ ᒋᔅᒑᔨᐦᑖᑯᓃᔨᒡ ᒋᔖᒥᓂᑑ ᐅᒋᔅᑖᔨᐦᑖᑯᓯᐎᓐ ᑳ ᒌᐦᑳᔮᔥᑖᔨᒡ, ᑭᔮᐦ ᐅᑯᓯᓯᒫᐤ ᒥᑐᓐ ᓂᔅᐱᑎᐙᐤ ᑖᓐ ᐋ ᐄᑖᔨᐦᑖᑯᓰᔨᒡ᙮ ᐐᔨ ᐅᑯᓯᓯᒫᐤ ᐱᐱᒥᐲᐦᑖᐤ ᒥᓯᐙ ᒑᒀᔨᐤ ᐋᐦ ᑎᑯᓃᔨᒡ, ᐅᑎᔨᒧᐎᓐᐦ ᑳ ᓲᐦᒑᔨᐦᑖᑯᓃᔨᒡ ᐅᐦᒋ᙮ ᒌ ᐱᒋᔥᑖᔨᒥᓲ ᒑ ᒌ ᓂᐱᐦᐋᑭᓅᑦ ᒑ ᒌ ᐅᐦᒋ ᐱᔮᐦᒋᐦᐄᒫᑭᓂᐎᔨᒡ ᐊᐙᔨᐤᐦ ᐋ ᐙᐹᔨᐦᑎᒧᐙᑭᓂᐎᔨᒡ ᐅᒥᒋᐦᑣᐎᓂᔨᐤ᙮ ᐄᔥᐱᐦ ᑳ ᒌᔑᐦᑖᑦ, ᐋᒄ ᑳ ᐙᐙᔨᐱᑦ ᐊᓂᑖᐦ ᐅᓂᐦᐄᐎᓃᔨᐦᒡ ᒋᔖᒥᓂᑑ, ᐊᓂᔮᔨᐤ ᒫᐅᒡ ᐊᔅᐹᔨᐦᑖᑯᓰᔨᒡ ᒋᐦᒋᒌᔑᑯᐦᒡ᙮

4 ᐋᔪᐎᒄ ᒫᒃ ᐊᓂᔮᔨᐤ ᐙᐦᒋ ᐊᑎᑎᐤ ᒋᔅᑖᔨᐦᑖᑯᓯᑦ ᐐᔨ ᐅᑯᓯᓯᒫᐤ ᐃᔥᐱᔥ ᐐ ᐋᓐᒋᓐᐦ᙮ ᒋᔖᒥᓂᑑᐦ ᒌ ᒥᔨᑰ ᐅᔮᔨᐤ ᒑ ᒌ ᐃᔥᐱᔥ ᒋᔅᑖᔨᐦᑖᑯᓯᑦ᙮ ᐊᓂᔮᔨᐤ ᒫᒃ ᑳ ᐃᔑᓂᐦᑳᑖᑭᓅᑦ ᐋᑯᑖᐦ ᐙᐦᒋ ᓅᑯᓃᔨᒡ ᑖᑆᐦ ᐊᑎᑎᐤ ᐐᔨ ᐋ ᒋᔅᑖᔨᐦᑖᑯᓃᔨᒡ ᐃᔥᐱᔥ ᐐ ᐋᓐᒋᓐᐦ ᐅᑎᔑᓂᐦᑳᓱᐎᓂᔨᐤᐦ᙮

5 ᐙᔥ ᒋᔖᒥᓂᑑ ᓂᒧᐃ ᓂᐦᑖ ᐅᐦᒋ ᐄᑖᐤ ᐋᓐᒋᓐ ᐋ ᐊᔨᒥᐦᐋᑦ,

6 ᐄᔥᐱᐦ ᑳ ᐹᒋ ᐄᑎᔑᐦᐙᑦ ᒋᔖᒥᓂᑑ ᐅᓃᔥᑎᒨᔖᓐ ᐅᑎᐦ ᐊᔅᒌᐦᒡ, ᐋᒄ ᑳᐦ ᐃᔨᑦ,

7 ᒋᔖᒥᓂᑑ ᑳᐦ ᐋᔨᒨᒫᑦ ᐋᓐᒋᓐᐦ, ᐋᒄ ᑳᐦ ᐃᔨᑦ,

8 ᐅᑯᓯᓯᒫᐤ ᒫᒃ ᐋᐦ ᐋᔨᒨᒫᑦ ᒌ ᐃᔨᐤ,

9 ᒋᒌ ᓵᒋᐦᑖᓐ ᑯᐃᔅᑯᑖᑎᓰᐎᓐ ᐋᒄ ᒥᒑᑎᓰᐎᓐ ᒋᒌ ᐅᐦᑳᑖᓐ᙮ ᐋᔪᐎᒄ ᒫᒃ ᐙᐦᒋ ᐅᐙᔮᐱᒥᑖᓐ ᓃᔨ ᒋᒋᔖᒥᓂᑑᒻ, ᐋ ᑑᒥᔅᑯᓂᑖᓐ ᒑ ᒌ ᐃᔮᔨᓐ ᒨᒋᒑᔨᐦᑎᒧᐎᓐ᙮ ᒌᔨ ᒫᐅᒡ ᒌ ᒋᔅᑖᔨᐦᑖᑯᐦᐄᑎᓐ ᐃᔥᐱᔥ ᐐ ᒋᐐᒑᐙᑭᓂᒡ᙮

10 ᒋᔖᒥᓂᑑ ᑭᔮᐦ ᒌᐦ ᐄᑖᐤ,

11 ᐅᐦᐄ ᒫᒃ ᑳ ᐄᔑ ᐅᔑᐦᑖᔨᓐ ᐋᔥᒄ ᐹᔨᒀᐤ ᐋ ᒌᔑᑳᒡ ᒋᑭ ᐃᔅᒀᐱᔨᐤ ᒥᒄ ᒫᒃ ᑳᒋᒡ ᒋᑭ ᑖᓐ ᒌᔨ᙮ ᒋᐦᒋᒌᔑᒄ ᑭᔮᐦ ᐊᔅᒌ ᒋᑭ ᐋᑎᐃᔮᔨᐎᓐ ᒧᔮᒻ ᐱᒋᐎᔮᓈᒋᓐ ᐋ ᒫᔅᑎᔅᑳᑭᓂᐎᒡ᙮

12 ᐋᔥᒄ ᐹᔨᒀᐤ ᐋ ᒌᔑᑳᒡ ᒋᑭ ᒀᔅᒋᓈᑯᐦᑖᓐ ᒋᐦᒋᒌᔑᒄ ᑭᔮᐦ ᐊᔅᒌ᙮ ᒧᔮᒻ ᐊᑯᐦᐱᔅᒌᔥ ᐋ ᓂᐦᐋᐙᒋᓂᑳᓂᐎᒡ ᐋᐅᒄ ᒑ ᑐᑎᒥᓐ᙮ ᒥᒄ ᒫᒃ ᒌᔨ ᒨᔥ ᐹᔨᑯᓂᐦᒡ ᒋᑭ ᐄᑖᔨᐦᑖᑯᓯᓐ, ᓂᒧᐃ ᓂᐦᑖ ᒋᑭ ᐅᐦᒋ ᐃᔅᒀᐱᔨᐤ ᒋᐱᒫᑎᓰᐎᓐ᙮

13 ᓂᒧᐃ ᒫᒃ ᓂᐦᑖ ᐅᐦᒋ ᐄᑖᐤ ᒋᔖᒥᓂᑑ ᐋᓐᒋᓐ,

14 ᐊᐦᒑᐦᑯᒡ ᐋᐱᑎᓰᐎᒡ ᒫᒃ ᐋᓐᒋᓂᒡ᙮ ᒋᔖᒥᓂᑑᐦ ᐄᑎᔓᐦᐅᑯᒡ ᒑ ᒌ ᐙᐐᒋᐦᐋᒡ ᐊᓂᔮᔨᐤ ᒑ ᐱᒫᒋᐦᐄᒫᑭᓂᐎᔨᒡ᙮