1 Jacobja poiyi'cco tise dutssiyendeccuma ttu'sepa su: “Ñanga catse'faja ña que'inga condaye jai'ngae ma'caen daya'choma:
2 Ñanga catse'faja Jacob dutssiyendeccu.
3 Rubén, que qui ña dutssi'ye coenza.
4 Tsa'ma ja'ñota qui tsa'cambi.
5 Simeón toya'caen Levíta tsu antianaccu.
6 Minga'ni'qque gi tise'pa tsa'onga fae'ngae boye in'jambi.
7 Ega tsu. Ñoa'me ega tsu que'i ttesia'caen iyicca'ye'fa'choja.
8 Judá, que antiandeccu tsu quema ñotsse in'jamba afa'faya.
9 Queta qui ttesi du'shua'can.
10 Ni majañi'qque tsu Judá manda'je'choma itsaya'bi.
11 Tsa tsu tise boro du'shuma ofatsajanga tandaña.
12 Tise tso'feta tsu vinoma ti'tsse si'an.
13 Zabulónda tsu mar otafani canseya.
14 Isacarta tsu andu'choma andu'su boro'can.
15 Nane ande ñotssiama attepa tseni ño'faye ñotssimanda tise sepaccoma canjaen andupa angaye.
16 Danda tsu tise aindeccuma mandaya fae'ngae faesu Israe'su aindeqquia'caen.
17 Toya'caen Danda tsu iyoa'caen tsoña.
18 Ña Na'su, ¡ronda'je qui que ñama ccushaeñe!
19 Gadmanda tsu sundarondeccu iyiccoye ji'faya.
20 Aserta tsain'bitsse panme an'biamba nasundeccunga'qque anqque'suma afe'jeya.
21 Neftalíta tsu shan'ccoa'caen opatsse jacan. Tise dushundeccu'qque me'detssi'fa tsu.
22 Joséta tsu quini'cco na'en otafani ccutsupa ñotsse namba ttuccu ccafanga'qque furiqquia'can.
23 Battittiansundeccu tsu tisema chi'gapa noñangiamba pa'cco a'ta battittian'jen'fa.
24 Tsa'ma Joséja tise tive quin'amba oyambitsse tise battittianccuma indipa poini battittian'jen.
25 José, ¡ñotssi tsu que yaya'yembe Chiga! Tsa tsu quema fuiteya.
26 Ña que yayata gi ña yaya'ye ñama ñotsse tsoña'chove su'choma ti'tsse quema ñotsse tsoña'chove afa'je.
27 Benjamínda tsu putsa'su ain'can.
28 Vandeccu tsu Israel aindeccu'su doce naccu. Toya'caen tsa'caen tsu tise'pa yayaja poiyi'cco tise dutssiyendeccunga tise'pa jai'ngae ma'caen daya'chove afa.
29 Fae a'ta Jacobja tise dutssiyendeccunga qquen manda:
30 Tsa tsu Macpela fattocco chango Mamre canqque isevetsse Canaán andeni. Abraham'ye tsu tsa fattocco chango, toya'caen tse'tti'su andema'qque Efrómbema chava tise aindeccuma tsanga atu'jeye.
31 Tse'ttinga tsu a'tu'fa Abraham, tise pushe Sarama'qque, toya'caen Isaac, tise pushe Rebecama'qque. Toya'caen gi ña'qque tse'ttinga Leama a'tu.
32 Tsa ande toya'caen tsa changota tsu hititandeccuma chava'cho.
33 Jacobja tsa'caen tise dutssiyendeccunga condase nanimba ccase ana'jen'chonga ccuipa pa.