1 Muéetzij tu tyíꞌmuatyojtziꞌreꞌ, taj Dios,
2 Tavástaraꞌ pu aꞌyan tyíꞌxaj tɨjɨn:
3 Tɨꞌɨjta huatóocaꞌtzɨj ɨ chuéj, majta néijmiꞌi ɨ maj japuan huacháatɨmee,
4 Ajta aꞌɨ́ɨjma ɨ maj óotzaahuatyeꞌ ajta ɨ maj jeꞌej puaꞌaj rɨcɨj aꞌyaa nu tyihuáꞌixaatyeꞌ tɨjɨn:
5 caxu aꞌɨ́j jitze tyíꞌcaꞌnyej tyiꞌtɨ́j siaj huayíꞌtɨn
6 Jiꞌnye capu ɨ puéjtzij aꞌáa jeꞌréꞌnyesij
7 sulu aꞌɨ́ɨ pu ɨ Dios Juées tɨ jɨn tyiꞌtyéjvee:
8 Tavástaraꞌ pu jiꞌtyáaja ɨ jumuácaꞌ jitze ɨ tɨ jitzán uhuáaꞌ ɨ tɨ jɨn nyúꞌcamuɨꞌ,
9 Nyáaj nu aꞌnáj tɨnaꞌaj jaxáataj naꞌmej ɨ Dios raꞌ aꞌɨ́jcɨ ɨ Jacob
10 jiꞌnye aꞌɨ́ɨ pu jaꞌantyipuáꞌrityeꞌsij ɨ maj jɨn óotzaahuatyeꞌ aꞌɨ́ɨmaj ɨ maj jeꞌej puaꞌaj rɨcɨj;