1 Nyaj Dios, huánamuaj jeꞌej nyaj tyíꞌnyenyuusteꞌ;
2 Naatyáꞌavaaj aꞌɨ́ɨjma jimi ɨ maj jeꞌej puaꞌaj tyityetyúuchaꞌɨj
3 aꞌɨ́ɨ mu jacaachej ɨ junyanúu cuxáa tɨ chúun puéꞌeenyeꞌ
4 Aꞌáa mu ɨmuáj joꞌtyaꞌúuj joꞌmaj jóoꞌavaaj jeꞌej puaꞌaj mahuaꞌuurej aꞌɨ́ɨjma ɨ maj quee tyiꞌtɨ́j jɨn áꞌɨtzeereꞌ,
5 Aꞌɨ́ɨ mu jujɨ́ɨmuaꞌaj caꞌnyíjraꞌaj tóoaꞌcaa mej mij jeꞌej puaꞌaj huárɨnyij;
6 tɨ quee aꞌtɨ́j jaatyésejra tyiꞌtɨ́j maj jɨn jeꞌej puaꞌaj rɨcɨj.
7 Dios pu tyihuáꞌpuejtyeꞌen aꞌɨ́jcɨ jɨmeꞌ ɨ tyihuaꞌ ɨꞌrɨ́j,
8 aꞌɨ́ɨ mu jujɨ́ɨmuaꞌaj puéjtzij huatóoaꞌsij aꞌɨ́jcɨ jɨmeꞌ jeꞌej maj tyíꞌxaj;
9 Aj mu mij néijmiꞌi tzáahuatyiꞌraꞌaj tyichaꞌɨ́ɨj muáꞌjuꞌun ɨ Dios
10 Aꞌɨ́jna ɨ tyévij tɨ tyámuaꞌ tyiꞌtyúuchaꞌɨj aꞌɨ́ɨ pu huatóotyamuaꞌveꞌsij ɨ Tavástaraꞌ jimi