1 Tavástaraꞌ,
2 Tavástaraꞌ, náꞌancuꞌvaxɨꞌ nyéetzij,
3 ¡Nyetyényeviveesij aꞌɨ́jcɨ jɨmeꞌ ɨ nyaj tyíꞌtzɨɨnyeꞌ!
4 Mujoꞌtéꞌyiꞌij, Tavástaraꞌ, ¡pataꞌaj nyajapuáj huatányuunyij!,
5 Capu ɨꞌríj tɨ aꞌtɨ́j tɨ arí huamuɨ́ꞌ muéetzij moꞌtámuaꞌree,
6 Nuꞌríj tácuaꞌnaxɨj nyaj nyeyiin.
7 Canu cheꞌ tyámuaꞌ metyóonyeej aꞌɨ́jcɨ jɨmeꞌ ɨ tɨ tyinyetyáacuiꞌ,
8 ¡Xaꞌajtácɨɨnyij nye jimi, mu siaj jeꞌej puaꞌaj tyityetyúuchaꞌɨj,
9 Tavástaraꞌ pu arí jáanamuajriꞌ ɨ nyaj jéehua jahuaviij,
10 Aꞌɨ́ɨmaj ɨ maj nyéjchaꞌɨɨreꞌ, matɨꞌɨj huácuiꞌnyij aꞌɨ́jcɨ jɨmeꞌ ɨ maj tyíꞌtzɨɨnyeꞌ,