1 Muaꞌaj, mu siaj huápuɨꞌɨj uhuácacaꞌnyeꞌej,
2 Ajta aꞌyájna, aꞌyaa xu rɨcɨj jeꞌej puaꞌaj setyáꞌxɨeꞌveꞌej,
3 Ɨ maj jeꞌej puaꞌaj tyityetyúuchaꞌɨj aꞌɨ́ɨ mu jeꞌej puaꞌaj huarɨ́j matɨꞌɨj móoj huaꞌjucáatzeꞌ aꞌséeriaꞌcaj ɨ junáanastyamuaꞌ,
4 Jéehua pu huáꞌveꞌrij huaꞌ jitze séejreꞌ aꞌyájna matɨꞌɨj ɨ cúꞌcuꞌsee;
5 tɨꞌij quee jáanamuaj ɨ tɨ tyiꞌtyácuiinaj aꞌɨ́jna ɨ tɨ támuaꞌrej,
6 Nyaj Dios, ¡antatáarajraꞌ ɨ huaꞌ tamej!
7 Micheꞌ aꞌhuóopuaꞌrixɨꞌɨn, tɨꞌɨj ɨ jájtyij tɨ tyixɨ́reꞌen,
8 micheꞌ huatóopuaꞌrej, tɨꞌɨj ɨ xɨ́ꞌpuꞌuj aꞌɨ́jcɨ jitze ɨ juꞌɨ́ꞌriqueꞌ,
9 micheꞌ huatyátaanyij tɨꞌɨj ɨ tzícareꞌej matɨꞌɨj quee eexúj jamuaꞌréeriacaj,
10 Aꞌɨ́jna ɨ tɨquee tyiꞌtɨ́j jɨn áꞌɨtzeereꞌ aꞌɨ́ɨ pu huatóotyamuaꞌveꞌsij tɨꞌɨj Dios puéjtzij aꞌɨ́jcɨ jɨmeꞌ ɨ maj jɨn jeꞌej puaꞌaj huarɨ́j;
11 Aj mu mij aꞌyan tyuꞌtaxájtaj tɨjɨn: