1 Aꞌɨ́jna ɨ tɨ jeꞌej puaꞌaj een aꞌɨ́j pu tyíꞌixaatyeꞌ ɨ tɨ jeꞌej puaꞌaj tyiꞌtyúuchaꞌɨj
2 Aꞌyaa pu tyóomuaꞌtzej maj néijmiꞌi tyámuaꞌ tyáꞌxaj,
3 Jeꞌej pu puaꞌaj tyíꞌxaxaꞌaj ajta tyíꞌhueꞌtacaa,
4 Huaqueꞌtɨ́j pu aꞌájna joꞌtɨj jáꞌhuiꞌcaa, aꞌɨ́j pu curiaꞌmuaꞌsij tyiꞌtɨ́j tɨ jɨn jeꞌej puaꞌaj huárɨnyij,
5 Ajta ɨ paj jɨn taxɨeꞌveꞌ, Tavástaraꞌ, tajapuá pu ɨmuáj jaꞌráꞌasej;
6 Aꞌɨ́jna ɨ paj muáaj jɨn tyíꞌxaꞌpuɨꞌɨntareꞌ aꞌyaa pu een tɨꞌɨj ɨ jɨríj tɨ jéetzeꞌ ajtɨ́tɨꞌɨjmee;
7 ¡Dios, huápuɨꞌɨj pu naa huaséꞌrin ɨ paj jɨn taxɨeꞌveꞌ!
8 Tyámuaꞌ mu naa tyityaatajúꞌxaj
9 jiꞌnye muéetzij jitze pu séejreꞌ ɨ júuricamej
10 Pataꞌaj aꞌnáj tɨ naꞌaj huaꞌtáꞌcareꞌen ɨ paj jɨn taxɨeꞌveꞌ pajta ɨ paj jɨn tyámuaꞌ een
11 Capáj tyiꞌtáꞌcareꞌen maj naatzíinajyiꞌcan aꞌɨ́ɨmaj ɨ maj óotzaahuatyeꞌ
12 ¡Cásɨꞌ aꞌɨ́ɨmaj mu eetávitzej ɨ maj jeꞌej puaꞌaj tyityetyúuchaꞌɨj!