1 Tavástaraꞌ, aꞌɨ́ɨ pu jutyamuaꞌveꞌ ɨ tɨ rey jɨn tyiꞌtyéjvee jiꞌnye caꞌnyíjraꞌaj paj jaatáꞌ,
2 Aꞌyaa paj huarɨ́j jeꞌej tɨ aꞌɨ́ɨn tyáꞌxɨeꞌvaꞌcaꞌaj,
3 Muáaj paj jaataxɨéꞌvej pajta vaꞌcán jɨn tyámuaꞌ tyeetyájtoo
4 Júuricamej pu muaatáhuaviiriꞌ, muáaj pej pij jaatáꞌ,
5 Tyíꞌmuatyojtziꞌreꞌ aꞌɨ́jcɨ jɨmeꞌ paj jaatáhuɨɨ, ijíij pu vaꞌcán jɨn putyiꞌuurejve,
6 Jusén jɨmeꞌ paj tyámuaꞌ tyeetyájtoo,
7 Muáaj, rey paj puéꞌeen, capu aꞌnáj antyipuaꞌrij ɨ paj jɨn tyiꞌtyéjvee, jiꞌnye Tavástaraꞌ paj jitze tyíꞌcaꞌnyej,
8 Aꞌɨ́jna ɨ paj néijmiꞌi jɨn putyíꞌuurej aꞌɨ́ɨ pu néijmiꞌcaa huataꞌsij ɨ maj muájchaꞌɨɨreꞌ,
9 aꞌúu paj huojoꞌtyátoosij ɨ oornaj tzajtaꞌ tɨ úꞌtaa
10 Pajta huoꞌrioꞌuunaj íiyan cháanacaj japua pajta huaꞌ tzajtaꞌ ɨ tyeɨ́tyee
11 Tyij majta jaxɨeꞌvaꞌaj maj jeꞌej puaꞌaj muáaꞌuurej
12 jiꞌnye muáaj paj huoꞌtamuárityeꞌsij,
13 ¡Ájchesij Tavástaraꞌ, aꞌɨ́jcɨ jɨmeꞌ ɨ paj néijmiꞌi jɨn putyíꞌuurej!