1 យាកោបអីឞូក្វាល់អីឆ្រាអែលដ៝ង់ ពាង់ក្វាល់ទឹងលែៈក៝នពាង់វាច់តារីទាទេ ជេសរីលាស៖ “ទាន់ខាន់មៃហាន់រឹងទាទេ គៃមាគ៝ប់មឞើសងក៝ចអ៝ន់ខាន់មៃគឹតម៝សនាវគែសតានារជឹតនាប់អ្យាតៃ។
2 អើផូងក៝នឆៅយាកោប វាច់រឹងហ៝ម់គៃមាអ្យាត់
3 អើរូបេន មៃជេងក៝នឞោកទាកគ៝ប់
4 មៃទាង់តឹមឞានមាទាករាឞុស មោអោសទើយអ៝ត់ទើយរាទ៝ង់ តីសមាមៃមោអោសជានឞោក
5 ឆីមោន នទ្រែលមាលេវីជេងអ៝សនោទូនទុលទែស
6 គ៝ប់មោអោសអុចគុនទ្រែលខាន់ពាង់
7 គ៝ប់រាករាតាប់លើយនាវជីនូយ្សខាន់ពាង់ យ៝រមាខាន់ពាង់ហាត់ជាញហោអីរ
8 អើយូដា អ៝សនោមៃមរារានេមៃទាទេងាន់
9 អើយូដាក៝នគ៝ប់ មៃជេងតឹមឞានមាក៝នយៅមុរ
10 ម៝ង់តាក់ជ្រាកាដាច់គែសតាមៃនឹង
11 ពាង់នទ្រ៝ង់ងាន់ នទ្រីទឹងពាង់ក៝ត់ឆែសលៀពាង់នើមតាតើមព្លៃយុងយារប៝ន ឞ៝លលាសតើមព្លៃនៃទុតខ្លៃ
12 ត្រោមមាត់ពាង់ចាង់ងាន់រាលាវមាទាកនទ្រាញ់ព្លៃយុងយារប៝ន
13 ឆាប់យូលោនតៃគុរ៝ៈមែងទាកវាច់ទាកវារ់
14 អីឆាខារជេងតឹមឞានមាឆែសលៀទុតទាង់
15 ពាង់មឹនលាសនតុកពាង់គុរាលូនៃជេងនតុកអ្វែស
16 ដានជេងកោរាញម៝ត់អ្វាញ់មពោលប៝នលានពាង់នើម
17 ពាង់ជេងតឹមឞានមាឞេសហូងរ៝ៈត្រ៝ង
18 ជេសរីយាកោបមឞើសឆើមលាស៖ “អើឞ្រាសយេហោវា គ៝ប់ហោមក៝ប់នារមៃរាក្លាយ្សគ៝ប់”។ ជេសរីពាង់នហ៝មាលាសមាអ៝សក៝នពាង់ជឹត៖
19 “កាតគែសផូងតាហែនហាន់លើសពាង់
20 អាឆើរគែសនទើឆោងឆាកាសងាន់
21 នាប់តាលីជេងតឹមឞានមាងក្រ៝ង់មែលែៈក្លាយ្ស
22 យោឆែបជេងតឹមឞានមាងគីងគែសព្លៃអ៝ក់
23 ផូងរាលាង់តឹមលើសដាសពាង់
24 យើនមាយោឆែបហោមទាង់រាលាវ
25 កោរាញឞ្រាសអីឞ្រាសគ៝ប់យើកមឞាសមរាកើលមៃ
26 នាវគែសជេងគ៝ប់ទាន់កោរាញឞ្រាសអ៝ន់មាមៃអ្យា
27 បែនយាមឹនជេងតឹមឞានមាឆ៝ឞ្រីទុតជាញ
28 ទឹងលែៈផូងខាន់ពាង់អីនៃជេងមពោលរាន៝យទែសផូងអីឆ្រាអែល អីនៃជេងនាវឞឹខាន់ពាង់នតិញមាខាន់ពាង់ ពាង់ទាន់កោរាញឞ្រាសអ៝ន់នាវគែសជេងមាខាន់ពាង់ ១២ នុយ្សនៃ ទូហ្វេទូហ្វេពាង់អ៝ន់អេងៗ តឹមទីមាអាប់នើមខាន់ពាង់។
29 ជេសរីយាកោបនតិញមាផូងអ៝សក៝នពាង់៖ “ហោមទូប្ល៝ត់គ៝ប់តៃខឹត គ៝ប់ហាន់តឹមម៝ប់មាផូងចែគ៝ប់នើម។ អ៝ន់ខាន់មៃលែវត៝ប់គ៝ប់កេងមោចផូងចែគ៝ប់តាត្រោមយោកតាមីរអេប្រុនផូងហេត
30 ជេងតាមីរមាក់ពេលា តឹមទាច់មាប៝នមាម់រេតាឞ្រីកានាន មីរនៃលែៈចែអាឞ្រាហាម់ ទែរាវាត់តាៈឞើសអេប្រុនផូងហេត គៃមានតុកមោច។
31 តានតុកនៃឞូត៝ប់ចែអាឞ្រាហាម់ នទ្រែលមាអូឆារាអូរពាង់ ឞូត៝ប់អីឆាក់ នទ្រែលមារេបេកាអូរពាង់ លេអាគ៝ប់ត៝ប់ពាង់តានតុកអីនៃដ៝ង់។
32 មីរនទ្រែលមានតូយោកអីនៃលែៈចែអាឞ្រាហាម់ ទែរាវាត់ឞើសផូងហេត”។
33 ជេសយាកោបនតិញមាផូងអ៝សក៝នពាង់លែៈផ្យៅ ជេសរីពាង់យើកជ៝ង់ល៝ង់ឆាក់តាគ្រែពាង់នើមរី នហ៝មារ៝សនហ៝ម់ហាន់តឹមម៝ប់មាផូងចែពាង់នើមរី។