1 Lají̱i̱ꞌ˜ lamalɨꞌˋguɨ eáangˊ, jmiguiʉbˊ ya̱ꞌˊ cangɨ́ɨngˋ Fidiéeˇ júuˆ quiáꞌrˉ fɨˊ quiniˇ jaléngꞌˋ dseaˋ áangˊ quíˉiiꞌ laꞌeáangˊ có̱o̱ꞌ˜ fɨ́ɨngˊ dseaˋ i̱ caféꞌˋ cuaiñ˜ quiáꞌrˉ. Jo̱ jaléꞌˋ e júuˆ e caꞌíngꞌˋ jaléngꞌˋ i̱ dseaˋ do, jmaquíimˊ lɨ́ɨˊ jial caꞌíñꞌˋ lajaangˋ lajaaiñˋ.
2 Jo̱ dsʉꞌ lanaguɨ, lajeeˇ lɨ˜ ngóoˊ cadséngˉ, Fidiéeˇ cangɨ́ɨiñˋ júuˆ quiáꞌrˉ condséeˊ quíˉiiꞌ laꞌeáangˊ có̱o̱ꞌ˜ i̱ Jó̱o̱rˊ camɨ́ɨngꞌ˜ do. Jo̱guɨ laꞌeáangˊ có̱o̱ꞌ˜ i̱ Jó̱o̱rˊ do cajo̱ cajméerˋ latøøngˉ yʉ́ꞌˆ jmɨgüíˋ có̱o̱ꞌ˜guɨ guóoꞌ˜ uǿˉ latɨˊ mɨ˜ uiing˜, jo̱guɨ nɨcangɨ́ɨiñˋ fɨˊ jaguóˋ i̱ Jó̱o̱rˊ camɨ́ɨngꞌ˜ do dseángꞌˉ lajaléꞌˋbaꞌ e seaˋ fɨˊ jo̱.
3 Jo̱guɨ i̱ Jó̱o̱rˊ camɨ́ɨngꞌ˜ do, íbˋ i̱ dseángꞌˉ jɨngꞌˋ güeangꞌˆ i̱ ꞌgøngꞌˊ quiáꞌrˉ, jo̱guɨ dseángꞌˉ laco̱ꞌ lɨ́ɨiñˊ ꞌñiaꞌˊbre lɨ́ɨngˊ dseaˋ do cajo̱; jo̱ íbˋ i̱ néeˊ ni˜ lajaléꞌˋ e seaˋ có̱o̱ꞌ˜ lajaléngꞌˋ i̱ seengˋ laꞌeáangˊ có̱o̱ꞌ˜ e júuˆ ꞌgøngꞌˊ quiáꞌrˉ. Jo̱ mɨ˜ cangɨ́ˋ e nɨcajángꞌˋ ꞌñiaꞌrˊ e laco̱ꞌ nɨcaleáaiñˋ jneaa˜aaꞌ jee˜ jaléꞌˋ dseeˉ quíˉiiꞌ, nɨcangámꞌˉtu̱r fɨˊ ñifɨ́ˉ, jo̱ lana dob nɨguiiñ˜ lɨ́ꞌˆ lɨˊ dséeˊ cáangˋ lɨ˜ lɨ́ɨˊ é̱e̱ˆ quiáꞌˉ Fidiéeˇ.
4 Jo̱ Fidiéeˇ cajméerˋ e ꞌgøngꞌˊguɨ i̱ Jó̱o̱rˊ camɨ́ɨngꞌ˜ do laco̱ꞌguɨ jaléngꞌˋ ángeles, co̱ꞌ nɨcangɨ́ɨiñˋ quiáꞌˉ dseaˋ do e lɨ́ɨiñˊ jaangˋ dseaˋ i̱ niingˉguɨ laco̱ꞌguɨ lɨ́ɨngˊ jaléngꞌˋ ángeles i̱ lɨ́ɨngˊ jí̱i̱ꞌ˜ guotɨɨˉ Fidiéeˇ.
5 Co̱ꞌ Fidiéeˇ jí̱i̱ꞌ˜ co̱o̱ˋ ya̱ꞌˊ jaˋ cajíñꞌˉ e sɨ́ꞌrˋ jí̱i̱ꞌ˜ jaangˋ ángel lala:
6 Jo̱ féꞌˋbɨ Fidiéeˇ fɨˊ lɨ˜ jiéꞌˋ cuaiñ˜ quiáꞌˉ i̱ Jó̱o̱rˊ camɨ́ɨngꞌ˜ do ie˜ mɨ˜ cacuǿøngˋneiñꞌ do fɨˊ jmɨgüíˋ la, jo̱ lalab cajíñꞌˉ:
7 Jo̱guɨ cajíngꞌˉguɨr cajo̱ cuaiñ˜ quiáꞌˉ jaléngꞌˋ ángeles mɨ˜ cajíñꞌˉ lala:
8 Jo̱guɨ dsʉꞌ jíngꞌˉguɨ Fidiéeˇ uii˜ quiáꞌˉ i̱ Jó̱o̱rˊ camɨ́ɨngꞌ˜ do mɨ˜ féꞌrˋ lala:
9 Jo̱guɨ eáamˊ tɨˊ aꞌˊ jaléꞌˋ e guiʉ́ˉ,
10 Jo̱guɨ jímꞌˉbɨguɨ Fidiéeˇ cajo̱ cuaiñ˜ quiáꞌˉ i̱ Jó̱o̱rˊ do mɨ˜ féꞌrˋ lala:
11 Jo̱ jaléꞌˋ e jo̱ tó̱o̱bˋ jmɨɨ˜ niꞌíingˉ, dsʉꞌ ꞌnʉˋ, latab˜ seenꞌˋ.
12 jo̱guɨ nijméeꞌˆ laco̱ꞌ tú̱ˉ juꞌˊ jaléꞌˋ e jo̱ laco̱ꞌguɨ mɨ˜ júngꞌˋ dseaˋ co̱o̱ˋ ꞌmɨꞌˊ,
13 Jo̱ jí̱i̱ꞌ˜ co̱o̱ˋ néeꞌ˜ jaˋ cajíngꞌˉ Fidiéeˇ faꞌ sɨ́ꞌrˋ jaléngꞌˋ ángeles quiáꞌrˉ mɨ˜ féꞌrˋ lala:
14 Jo̱ jaléngꞌˋ ángeles dseaˋ jmɨguíbˋ lɨ́ɨiñˊ i̱ jmóoˋ lají̱i̱ꞌ˜ ta˜ e iing˜ Fidiéeˇ, jo̱guɨ jaléngꞌˋ íbˋ cajo̱ i̱ sɨ́ɨngˋ Fidiéeˇ i̱ jmɨcó̱o̱ꞌ˜ jaléngꞌˋ dseaˋ i̱ cangɨ́ɨngˋ e nileáiñˋ jee˜ jaléꞌˋ dseeˉ quiáꞌrˉ.