1 Isus ndatuma nllurtachu, zitamin anchichinand kinatarana anoo kamanchintspa.
2 Mazinangtsa; sirútamasa Apramarin wipaa Isaakarinee iparinarangiya.
3 Utaásarinsha wip tsimbun wanindarangiya, iwiparangiya. Wip sura Faresa misha Serah. Nllur waanari Támara sura.
4 Aramarinsha Aminadaparinee iparinarangiya.
5 Salmunarinsha Rahabarinee wizanlleem yamarangu, wip Boosarinee iparinarangiya.
6 Jeseyarinsha Dapiyarineetsi kuraka iparinarangiya.
7 Salomonarinsha Robowamarinee iparinarangiya.
8 Asaárinsha Josafatarinee iparinarangiya.
9 Usiyasarinsha Jotamarinee iparinarangiya.
10 Esikiyasarinsha Manasesarinee iparinarangiya.
11 Oseyasarinsha Jekoniyasarinee iparinarangiya zoonllpata washunanda. Anpur Utaáshucheetsi Babiloniyap watsapun machtaranganaya.
12 Jekoniyasarinsha Sálatielarinee iparinarangiya Babiloniyash tsapu.
13 Sorobabelarinsha Abihudarinee iparinarangiya.
14 Asórarinsha Sadokarinee iparinarangiya.
15 Eliyudarinsha Eleasararinee iparinarangiya.
18 Ashiri na Isus Apanll Wip nllurtarangu anoo kamanchintspa.
19 Osiyarinsha ¿Tamayshta ashik? ¿Tamaree mireek? tárangu, mang' kapung mantsarangiya. Apanllee chinarangu, ashiriya; Tputsee kamancheezi. Ngutariti kasachima; mangush chinarangu, tárangiya.
20 Anootsi kapung chinachinaw ashirangu, psaansha maarangu, Apanll wasundurur yakarangiya Osiyarinshu. Yakeeru, tsiyatarangiya. Osiyaa, shiy Dapiyarinchichtishcha, shiy tputsish; ashiriya Mariyaa yamamaam punirinllpa. Pzirinllpa. Nda tputspat ashirangu, waana Apanll ashiranguwa. Apanll Wip wanindakiya. Apanll wizpuri wipaa tinarangu. Ashiriya, shiysha Mariyaa izanlleemish yamangcha. Tsiyantarinllpa.
21 Wipaa tatsipkachu, nlluraa Isusu sur ísamangcha; an watatanda tapachindampani. Tputs Isusumun mang' tatkusin, yutaritshishirineetsi izuuru kapeetchiya. Ashiriya, shiysha izanlleemish yamangcha. Tatsipkachu, Isusu ísamangcha; Apanll wasundurur tárangiya. Tárangu, tsípata ashirangiya.