1 Januxun en ninkaya una sebi kene dabeya uke medan inun bemaki keneya 7 jawen tsamia tsuan june mekin bepentiduma inun chudediama unantiwen tsami dakabidana Dios jawen tsautiki tsauxun jawen meken yusiudiawen tsuma en uianyan
2 nai tsuma kushipatun uinbaunkin jui kushipawen jabu yukakin:
3 jakia nai anu inun, mai anu inun, janu mawabun yushin maniabu anu tsua pepajaida jayamaken tsuan chudexun uintidumaken
4 chanima tsua pepa kushipa juxun chudexun uintidumawen taea nui en kaxajaidaya
5 mekenika betsan ea yuikin: “Kaxayamawe. Xanen ibu Davidin baba betsa ja Judán baba yuinaka dasibibun xanen ibu inu betsa jawen kena león nun dabimis pepa kushipajaidakin jaki sinataibu maemanitun ja unanti tsamia tibi jatun daxnu daxnu akin keyutan ja una chudetiduki. Manayuwe”, ea waya
6 januxun Dios tsaua nashui ika namakis ja jiweabu dabe inun dabe mapubaunabu inun jabianudi ja 24 mekenikabu tsaubaunabu anu ja namakis nashui ika chaxuwan bake jawen yuda chachinibu mawa keska nia 7 maxunyan inun 7 beduya en uinxuki. Chaxuwan bake jawen 7 bedudan, ja jawen yushinwen mai jidabi anu Diosun jatu yusinmakubainaidan, jaska en uinxuki.
7 Januxun chaxuwan bake ja Dios janu tsau anu kemaxun jawen meken yusiudi anua una sebi bitan tsumaken
8 janua benimajaidakin ja jiweabu dabe inun dabe inun ja 24 mekenikabun jatun mimawati betsa jawen kena arpa inun oro mane kencha ni pei ininti ja kuaxunti keska mata jaska jawenabu Diosbe janchamisbu tsumaxundi jabu dasibibun chaxuwan bake kenwain jaki danti itan
9 dasibibun nawati bena juiwen nawakin yuikin:
10 Diosbe janchaxunikabu min ma jatu waniki.
11 januxun ana uinkin en ninkaya ja jiweabu inun ja mekenikabu inun nai tsuma midimajaida Dios xanen ibu jaki tsauti dapi manibaunabun
12 jancha kushipawen jabun yuikin:
13 januxun ana en ninkaya ja dasibi Diosun damiwakin jatu jiwemani nai anuxun inun, mai anuxun, inun mawabu yushin bumisbu anuxun, inun ianenwan anuxundi jabun kenwandiakin yuikin:
14 ja jiweabu dabe inun dabebun jabiaskadi shinankin kemakin: