1 Yumaa tinbunu lala' aa-apa millalanu Dios ya' mitya pamu rukulanu tsandikaatu, pure' bijee pakaamuwaave, tsenmin naake vee vee keeware' pakaanu ju'ba tsa tsanguemuwaave.
2 Tsaaren challa entsa de-inu tinbutalaya ya' Na' mityaa lalanu pave. Juntsa ya' Na' mityaa ti bain dekive, tsenmin naa ti juu bain yanu tene detaa shuikenu tireve.
3 Yaa Dios naaju tsamantsaañuba juntsaa keewarave, tsenmin Dios ura naajuñuba yaa entsaave ti' keewara jumuve. Yaa ya' palaa pudeechi ti juutala bain naa naa-inuuñuba tsanguikaren tanave. Tsejtu bene lala' ujcha depitsale' dyatu, selusha Diosa' chuchudinu chunjuu urandyasha chudive.
4 Diosa' Naya anjeelanu kayu pulla bale juu tiyaive, yaa kayu Dioschin juntsaanuu kura' mitya.
5 Matyu Dios naaju anjeelanuba entsandityuwaave:
6 Tsenmin yachi balenguramu Nanu, selusha mamikandu entsandive: Dioschi kumuinchi ya' anjeela bain yanu teedi' aawa dekuresa, tive.
7 Tsejtu anjeelanu laapu' patuya, Diosa' Kiikanu entsandive:
8 Tsaaren ya' Nanu laapu' pamiya entsandive:
9 Ñuya uraa tene kenu tyamu' mitya,
10 Tsenmin entsa bain tsandive:
11 Kumuinchi juntsa de-i' pinu tsuve,
12 juntsalanu uinbu jalleeba dejuñu dyajpiityulin tsanguenu juve ñu;
13 Naaju anjeelanuba Diosya jaiba entsandityuwaave:
14 Matyu naaju anjeelaba Dioschi tiba kiikenu eramu deeve, livee inuu chachillanu kivetes nemula.