1 Puc majkaz pjaltic̈ha pascu pjijztiquinaqui. Nii orazakaz yekja pjijztaqui kalltiznatc̈ha, ana liwaturchiz t'anta lujlz pjijzta. Jalla nii ora timplu jilirinacz̈tan judio tjaajiñinacz̈tan palt'ichic̈ha, tuz̈ cjican:
2 Ninacaqui tantiiz̈cu, cjichic̈ha:
3 Jesusaqui Betania cjita wajtquiz z̈elatc̈ha, Simonz̈ kjuyquiz. Nii Simonaqui tuquitan mojkchi janchichiz z̈ejlñitac̈ha. Nekzi lulan tsjaa maatak z̈onqui tsjii putillz̈tan tjonzinc̈ha. Nii putillquiz cusa mazk'a ulurchiz asiiti z̈elatc̈ha, nardo cjita, ancha jila walurchiz. Nii putillaqui zuma alabastro cjita maztan paatatac̈ha. Nekztan naa maatak z̈onqui putilla kjolz̈cu Jesusiz̈ achquiz asiiti alsinc̈ha.
4 Yekjap nekz z̈ejlñi z̈oñinacaqui z̈awjzic̈ha. Ninacpora palt'ichic̈ha, tuz̈ cjican:
5 Naalaqui asiiti tuysalani quinsa patac denario cjita paazuñ. Nekztan nii paazqui poris z̈oñinacz̈quiz onansalani.
6 Nekztan Jesusaqui chiichic̈ha:
7 Poris z̈oñinacami panz̈ z̈ejlc̈ha. C̈hjulorami ninacz̈quiziqui yanapasac̈ha. Wejrqui anal anc̈hucatan tira z̈elac̈ha.
8 Taa z̈onqui jaknuz̈t payi atc̈haja, nii paachinc̈ha. Ima wejt curpu tjatan asiitiz̈tan alsinc̈ha.
9 Chekpacha weraral cjiwc̈ha, jaksiquinami tjapa kjutñimi Yooz taku parlita cjec̈haja, jalla nicju taaz̈a paata parlita cjequic̈ha, taa maatak z̈on cjuñznajo.
10 Nekztanaqui Judas Iscariotiqui timplu jilirinacz̈quin palt'i ojkchic̈ha. Jesusiz̈ tuncapan tjaajinta z̈oñinacz̈quiztantac̈ha Judasqui.
11 Judas taku nonz̈cu jilirinacaqui ancha chipchic̈ha:
12 Pjijzta kallñi tjuñi, ana liwaturz̈tan t'anta lujlz pjijzta, nii tjuñi judio wajtchiz z̈oñinacaqui pascu uuza conñic̈ha. Nii noojpacha tjaajinta z̈oñinacaqui Jesusiz̈quiz pewczic̈ha:
13 Nekztan Jesusaqui pucultan tjaajintanaca cuchanchic̈ha, tuz̈ cjican:
14 Jakziquin nii z̈oñiqui luzac̈haja, jalla nicju nii kjuychiz z̈oñz̈quiz paljayaquic̈ha, tuz̈ cjican: “Tjaajiñiqui cjichic̈ha: ¿Jakziquin wejt tjaajintanacz̈tan pascu c̈hjeri lulasaya? ¿Jaknit nii kjuyajo?”
15 Nekztan nii kjuychiz z̈oñiqui tsewcta pisuquin tsjii pajk kjuya tjeeznaquic̈ha anc̈hucaquiz. Nii kjuya listu tjacz̈ta cjequic̈ha. Jalla nicju uc̈humqui c̈hjeri kisnaquic̈ha. —Nuz̈ mantichic̈ha Jesusaqui.
16 Nuz̈quis nii pucultan tjaajintanacaqui zarakchic̈ha. Watja ojkchic̈ha. Jesusiz̈ chiitacama niz̈tapacha watchic̈ha. Nekztanaqui pascu c̈hjeri kissic̈ha.
17 Tjuñiz̈ kattan Jesusaqui tjonchic̈ha tuncapan tjaajintanacz̈tan.
18 C̈hjeri lujlcan Jesusaqui chiichic̈ha:
19 Ninacaqui nuz̈quiz llaquita cjissic̈ha. Nekztan ninacaqui Jesusiz̈quiz pewczic̈ha. Tsjiiqui:
20 Nekztanac Jesusac kjaazic̈ha:
21 Wejrqui tsewctan cuchanz̈quita Yooz Z̈oñtc̈ha. Wejr okac̈ha, Yooz taku cjijrtacama. Jakziltat wejr tarazunac̈haja, jalla niiqui juc'anti castictaz̈ cjequic̈ha. Nii tarazuñi z̈oñiqui anaj maa pjuchquiztan nastc̈haj niiqui, juc'ant cusaz̈ cjitasac̈ha.
22 Nekztanaqui c̈hjeri lujlcan, Jesusaqui t'anta tanz̈cu Yoozquin gracias cjican chiichic̈ha. Nekztan t'anta kjolz̈cu, tjaajintanacz̈quiz tojzic̈ha, tuz̈ cjican:
23 Nekztan tsjii wazu tanzic̈ha. Yoozquin gracias cjican chiichizakazza. Nekztan ninacz̈quiz tjaatan, tjappacha ninacaqui nii wazquiztan liczic̈ha.
24 Jesusaqui chiichic̈ha:
25 Weraral cjiwc̈ha, uwas kjaz ana iya licac̈ha, c̈hjulorat Yooz tjapa mantac̈haja, jalla nii oracama.
26 Tsjii Yooz wirsu itscu ojkchic̈ha Olivos cjita curullquin.
27 Nekziqui Jesusaqui chiichic̈ha:
28 Jesusaqui cjichizakazza:
29 Nekztan Pedruqui chiichic̈ha:
30 Jesusaqui kjaazic̈ha:
31 Pedruqui juc'anti tjurt'ichic̈ha, tuz̈ cjican:
32 Nekztan Getsemaní cjita yokquin ojkchic̈ha. Nicju Jesusaqui niiz̈ tjaajinta z̈oñinacz̈quiz chiichic̈ha:
33 Nekztan Pedruz̈tan Jacobz̈tan Juanz̈tan chjitchic̈ha. Jesusaqui walja llaquita kuzziz turwaysic̈ha.
34 Niiz̈ tjaajintanacz̈quiz paljaychic̈ha:
35 Nekztan tsjii koluc tuquinalla ojkchic̈ha Jesusaqui. Yokquizkaz tuzi t'okzic̈ha. Yoozquiztan mayizichic̈ha, tuz̈ cjican:
36 Tira maycan cjichic̈ha:
37 Nekztanaqui tjaajintanacz̈quin quejpz̈quichic̈ha. Tjajchi zalchic̈ha. Nekztanaqui Jesusaqui Pedruz̈quiz cjichic̈ha:
38 ¿Anam tsjii orami wilazi atya? Wilaza. Yoozquiztan mayiza, ana ujquiz tjojtzjapa. Anc̈hucqui ancha kuztanc̈ha. Pero anc̈huca curpuzti anaz̈ awantasac̈ha.
39 Nekztan Jesusaqui wilta Yooztan parli ojkchic̈ha. Tuquiqui jaknuz̈t parlic̈haja, niz̈tazaka parlichic̈ha.
40 Wilta tjaajintanacz̈quin quejpz̈quichic̈ha. Wilta tjajchi zalchic̈ha. Ancha tjaji atipskatchic̈ha. Ninacaqui Jesusiz̈quiz ana kjaazñi atchic̈ha.
41 Jalla nekztan Jesusac c̈hjep wilta ojkz̈cu quejpz̈quichic̈ha. Nekztan chiichic̈ha:
42 Z̈aazna. Ojkla. Cherz̈na. Wejr tarazuñi z̈oñiqui nii nacjuz̈ tjonc̈ha.
43 Nii ora Jesusaz̈ nuz̈ chiyan, tsjiiqui tuncapan tjaajinta z̈oñinacz̈quiztan tjonchic̈ha, Judas cjita. Tama z̈oñinacaqui Judastan tjonchic̈ha pajk cuchillunacchiz, niz̈aza wjajtz carotinacchiz. Timplu chawjc jilirinacz̈tan judío lii tjaajiñinacz̈tan wajt jilirinacz̈tan ninacaz̈ cuchanz̈quita tjonchic̈ha.
44 Tuquitan nii tankatñi Judasqui kazzic̈ha Jesusa tankatzjapa. Nuz̈ kazcu, cjichic̈ha:
45 Nii ora Judasqui Jesusiz̈quiz macjatchic̈ha:
46 Nekztan z̈oñinacaqui Jesusa tanchic̈ha, preso chjitzjapa.
47 Tsjii nekz tsijtchi z̈oñiqui pajk cuchillu jwessic̈ha. Jalla nekztan tsjan chawjc jilirz̈ piyuna chjojritchic̈ha. Tsjii cjuñi pootz̈cu apakchic̈ha.
48 Nekztan Jesusac chiichic̈ha:
49 Zapuru anc̈hucaltan z̈ejlchinc̈ha, timpluquiz tjaajincan. Wira ana wejr tanchinc̈hucc̈ha. Pero anziqui jaknuz̈t Yooz taku chiic̈haja, nuz̈upanz̈ cumplita cjila.
50 Nekztanaqui tjapa niiz̈ tjaajinta z̈oñinacaqui tsucaña wichanzic̈ha. Jesusa zinalla eclichic̈ha.
51 Tsjii tjowaqui Jesusa apzic̈ha, tsjii zquiti irzi. Nii tjowac tantazakaztac̈ha.
52 Nekztan nii zquiti cutz̈cu, k'alapacha tsucaña atipchic̈ha.
53 Nekztanaqui Jesusaqui chjichtatac̈ha timplu tsjan chawjc jilirz̈ kjuya. Nekziqui timplu chawjc jilirinacz̈tan wajt jilirinacz̈tan judío lii tjaajiñinacz̈tan ajczitac̈ha.
54 Pedruqui az̈quiztan apzic̈ha, chawjc jilirz̈ kjuy patio luzcama. Nii patiuquiz zultatunacz̈tan julzi z̈elatc̈ha, uj latuquiz kutuncan.
55 Kjuyquiziqui timplu jilirinacaqui tjapa jiliri mazinacz̈tan Jesusiz̈ quintra chiiñi z̈oñi kjuratc̈ha, Jesusa conta cjisjapa. Ana zinta uj wajtchic̈ha.
56 Muzpa tama z̈oñinacaqui Jesusiz̈ quintra toscara chiichic̈ha. Pero ninacz̈ toscar takuqui anaz̈ wira casatc̈ha.
57 Yekjap z̈oñinacaqui tsijtscu toscara chiichic̈ha, tuz̈ cjican:
58 —Wejr nonziñc̈ha, tii z̈oñi tuz̈ chiiñi, “Tii z̈oñiz̈ kjuyta timplu pajlznac̈ha. Nekztan c̈hjep majquiztan yekja timplu kjuyac̈ha, ana z̈oñiz̈ kjuyta”. Nuz̈ chiiñi nonzinc̈ha wejrqui.
59 Anaz̈ niz̈tami z̈oñinacz̈ takuc casatc̈ha.
60 Ultimquiziqui nii timplu chawjc jiliriqui tsijtsic̈ha z̈oñinacz̈ taypiquiz. Jesusiz̈quiz pewczic̈ha:
61 Jesusaqui ana c̈hjulu tawkz̈cu, z̈elatc̈ha, ana kjaazic̈ha. Nekztan nii tsjan chawjc jiliriqui wilta pewczic̈ha:
62 Jesusaqui kjaazic̈ha:
63 Niz̈ta chiitiquiztan nii timplu chawjc jiliriqui niiz̈ zquiti wjajrzinchic̈ha, z̈awjchi tjeezjapa. Nekztan cjichic̈ha:
64 Anc̈hucqui nonzinc̈hucc̈ha. Tiiz̈ takuqui Yooz quintrac̈ha. Ana walipanc̈ha. ¿C̈hjuluc̈hum paaqui, kjaz̈um cjeequi? ¿Tantiyalla?
65 Nekztan yekjapaqui Jesusiz̈quiz llawsiz̈tan tjujtchic̈ha, wjajtchizakazza. Nekztan niiz̈ yujc pañz̈tan tjotz̈inz̈cu, cjichic̈ha:
66 Nii ora Pedruqui kjuy patiuquiz z̈elatc̈ha. Nekzi tsjaa z̈onqui tjonchinc̈ha. Naa z̈onqui timplu tsjan chawjc jilirz̈ piyunitac̈ha.
67 Pedruz̈ uj latuquiz kutnan, cherchinc̈ha. Nekztan paljaychinc̈ha:
68 Pedruqui Jesusa ana pajñi chiichic̈ha:
69 Nicju naa z̈onqui wilta cherchinzakazza. Nii z̈ejlñi z̈oñinacz̈quiz maazinc̈ha, tuz̈ cjican:
70 Pedruqui wilta Jesusa ana pajñi chiichic̈ha. Nekztan tsjii upaquiz̈tan nii z̈ejlñi z̈oñinacaqui Pedruz̈quiz cjichizakazza:
71 Nekztan Pedruqui juramintuz̈tan chiichic̈ha, tuz̈ cjican:
72 Pizcquizic nii orapacha tsjii wallpaqui kjawchic̈ha. Nekztanaqui Pedruqui Jesusiz̈ chiita taku cjuñzic̈ha. Tuz̈ mazinchitac̈ha, “Ima wallpaz̈ pizc wiltaz̈ kjawan, amqui c̈hjep wilta wejr ana pajñim tucaquic̈ha”. Nekztanaqui Pedruqui nii cjuñz̈cu, ancha llaquita cjissic̈ha. Nekztan ancha kaachic̈ha.