1 Jacob tö ila'r kié e̱' ska' ta̱ ichéitö ie'pa a̱: “A' e̱' skö́wa̱ ye' o̱'mik. Ì tköraë a' ta̱ e' wà chekeyö a' a̱:
2 “A ala'rla, a' e̱' skö́wa̱ tsi̱net ye' ttö̀ ttsök,
3 “A Rubén, be' dör ye' alà kibi.
4 Erë i̱'ñe ta̱ kë̀ idör es.
5 “Simeón ena Leví, e'pa dör ñì ëlpa;
6 ¡Wé̱ ie'pa e̱' dapa'u̱ke ee̱ ye' kë̀ shkak!
7 Ie'pa kësik dör suluë ichökle
8 “A Judá, be' ëlpa tö be' ki̱keraka̱ tai̱ë.
9 ¡A Judá, be' dör ye' alà!
10 Judá aleripa döraë blu'paie tai̱ë ke̱kraë dö̀ mik iblú chö́k de eta̱.
11 Ie' tö iburro pupula mue̱ke uva shu̱a̱.
12 Ie' wöbla dör daloloë uva diö̀ tsa̱ta̱.
13 “Zabulón se̱rdaë dayë kkömik.
14 “Isacar dör we̱s iyiwak tso' dalì oie diché ta̱' tai̱ë ese e̱' mùtër e̱nuk iwé a̱ es.
15 Mik ie' isué̱ tö ká̱ e' dör buaë se̱noie ñies e̱noie,
16 “Dan ditséwö shu̱a̱ s'shu̱lirdaë buaë yësyësë we̱s Israel aleripa e' ditséwö male̱pa es.
17 Dan döraë we̱s tkabë̀ chö́k tso' ñala̱ kkö̀ a̱ tö kabaio kuè iklö a̱ ta̱ iwák bruta̱ne itsi̱wökka ese es.
18 “¡A Jehová, ye' tso' be' panuk tö ye' tsa̱tkö́!
19 “Gad ppök ñippökwakpa döraë tai̱ë.
20 “Aser ká̱ ki̱ chkè kata' buaë tskirdaë.
21 “Neftalí dör we̱s su̱li̱ alaki dur áie ala'rla ta̱' bua'buaala ese es.
22 “José dör we̱s burro kañiru suè̱ dur di' tum kkömik es,
23 Kuaböt namépa é̱na sulu ia̱r,
24 Erë ie' ulà diché darërë;
25 A José, be' yë́ e' Këköl tö be' ki̱meke ke̱kraë.
26 Be' yë́ e̱r buaë yë' be' a̱,
27 “Benjamín dör we̱s chichi kañiru kësikie ese es;
28 E'pa dör Israel ditséwöpa daia̱ itöki̱ döka̱ dabom eyök ki̱ böt (12), e' yë́pa tsá̱. Es ie'pa yë́ tö ie'pa a̱ iché mik ie' tö ittè bata ché ie'pa a̱ eta̱.
29 Jacob tö iché ila'r wëpa a̱: “Ye' blërkewa̱ e' ké̱wö dökewa̱tke. Mik ye' blënewa̱, eta̱ ye' nu blö́wa̱ ákuk a̱ ká̱ wé̱ ye' yamipa nu blëne ee̱. Pö e' a̱te̱ wëm kiè Efrón dör hititawak e' ká̱ a̱.
30 Ká̱ e' a̱te̱ Macpelá Mamré wösha̱ë. Ká̱ e' a̱te̱ Canaán. Ká̱ e' ena ákuk e' wato̱'ttsa̱ Efrón tö Abraham a̱ a̱s Abraham tö iyamipa nu blö̀ ee̱.
31 Ee̱ Abraham ena ilaköl Sara, ñies Isaac ena ilaköl Rebeca, e'pa nu blëne. Ee̱ ye' tö ye' alaköl Lía, e' nu blë'wa̱ ñies.
32 Ká̱ e' ena ákuk e' wato̱' hititawak tö.”
33 Mik Jacob tö ttè e' ko̱s ché o̱ne eta̱ ie' e̱' té̱wa̱ne ika̱' ki̱ ta̱ iblënewa̱ mía̱ idëu̱töpa itöki̱.