1 Moisés ena Israel aleripa ttsé Jehová ki̱koka̱ ttsè i' wa:
2 Ye' tso' ttsök Jehová ë̀ a̱.
3 Ie' dör ñippökwak darërëë bua'ie.
4 Egipto blú karreta tso' ñippoie ena ie' ñippökwakpa
5 Ie'pa katsi̱rulune dayë shu̱a̱ we̱s ák es.
6 A Jehová, be' ulà bua'kka diché tai̱ë,
7 Ie'pa demi ñippök be' ta̱,
8 Dayë wöikébö darërëë
9 Be' bolök e̱' ttséka̱ tai̱ë ta̱ iché:
10 Erë be' tö dayë wöiké ta̱ e' tö ie'pa ttélur.
11 A Jehová,
12 Be' ulà bua'kka kéka̱
13 Be' tö sa' tsa̱tkée. Be' é̱na sa' dalër tai̱ë,
14 Mik ká̱ ulitane wakpa wa̱ e' jche̱newa̱,
15 Edomwak wökirpa chkerdawa̱ suane ë̀ wa̱,
16 A Jehová, ¡a̱s ie'pa tkirwa̱! ¡a̱s ie'pa suar tai̱ë!
17 A Jehová,
18 Jehová tso' se' wëttsu̱k s'blúie ke̱kraë.”
19 Mik Egipto blú ñippökwakpa tkawa̱ dayë a̱ kabaio ki̱, karreta ki̱, eta̱ Jehová tö dayë wöiéwa̱ne ie'pa ki̱ erë Israel aleripa tka buaë ká̱ poppo a̱.
20 E' ukuöki̱ ta̱ Jehová tteköl kiè María, e' dör Aarón kutà, e' tö ma'ma klö'wé̱wa̱ ttsoie, ta̱ alakölpa ko̱s mí ie' itöki̱ klötökerak es ima'ma blardami.
21 E' dalewa María ttsöke i' es:
22 Moisés tö Israel aleripa ké e̱' yöktsa̱ Dayë Mat e' kkömik. Ie'pa míyal ká̱ sir poë kiè Sur e' a̱. Ee̱ ie'pa shkére ká̱ mañat eta̱ kë̀ ie'pa wa̱ di' ku̱ne yè yës.
23 Mik ie'pa demi ká̱ kiè Mará, eta̱ ee̱ di' tso' bacha'bachaë, kë̀ yar ie'pa a̱. E' kue̱ki̱ ká̱ e' kiè méka̱rakitö Mará
24 Eta̱ Israel aleripa tö Moisés chémi suluë. Moisés chakérakitö: “¿Ì yèmisö?”
25 Eta̱ Moisés tö Jehová a̱ ikié tö sa' ki̱mú. Eta̱ Jehová tö ie' a̱ kal tsitsir kkaché elka e' iéwa̱itö di' a̱ eta̱ di' baché chowa de buaë yè.
26 Ie' tö iché ie'pa a̱: “Ye' dör Jehová. Ye' dör a' Këköl. Ye' dör a' bua'u̱kwak. Ì cheke ye' tö a' a̱ e' ttsé a' tö, e' iu̱té a' tö ñies a' se̱né buaë we̱s ye' ki̱ ikiane es, e' ta̱ ye' kë̀ tö a' we'ikepa ì sulu patkë'yö egiptowak ki̱ ese wa.”
27 E' ukuöki̱ ta̱ ie'pa demi ká̱ kiè Elim. Ee̱ di' tum tso' döka̱ dabom eyök ki̱ böt (12). Ñies ì klö̀ tso' dikó klö̀ sù̱ ese tso' dabom kuryök (70). Ee̱ ie'pa e̱' tsé̱a̱t di' kkömik tsi̱net.