1 Palai Tabuna yai Guyau ya yoga lau Mose lebena iyebom,
2 Itete mate antalasam abiꞌabidi lau faꞌatadi. Isalaela dodogadi u falibadi uwe,
3 Yena ena antalasam bulumakau, bena tamoꞌana tubutubu loholohona ya leyama Palai Tabuna e Tabanaikeli aba luhuluhu launa yai be habaGuyau ya ita faloholoho.
4 Antalasam tau leyamana bena nimana ya tole lawen antalasam gabugabuna kuluna yai ya famala ena heyaya aba nuwa afulenna be Guyau haba ya ita faloholoho na ena heyaya ya nuwatuhu afuledi.
5 Guyau matana yai bena bulumakau tamoꞌana gubufwauna ya lau funuhi na Elon nanatuna, iti antalasam tau gabugabudi haba yosiyosi ꞌwasinana ni sa abi be aba antalasam sadaidi fati sa lau sibusibuwedi Palai Tabuna aba luhuluhu launa yai.
6 ꞌWapina ya papa na fisihona ya lau iboꞌiboi.
7 Tau antalasam Elon, nanatuna tatau bena oyagi sa toledi aba antalasam hewana yai na sa yufi.