1 Vona-dina gavetokilumidi Yaubada yana yoo melala tulina tulina wagaidiya ani galuyabuna ada Iya Iyoni, gaitalaka gabameya ada gaitana wana yavuyavuna gimiyamiya. Ada bonabona nagona ganogalina vaita kaula iyuveyuvena anafaiweya, ani givona, “Una lakaelai idedeku ada gana vewaleni gavana aimo muline gina yegemona.”
2 Ada maduga-mowa galutovonina Aluwaluwa Tabuna givemagaku, ada au gaitana veimeya anaebavetoga kaikaiwabuna gimiyamiya gabameya ada seyana gaito givetovetoga wagaine.
3 Ada Banae ebavetoga-nai wagaine ani anaita anafaiweya kabala iluwei lunamanamalidi, ivewagadi yesipa ke kaneliyani. Kadu yabavola gibalawalilivugina yana veimeya anaebavetoga, yana malina vaita kabala-nai matamatagina anayegana emeladi anafaiweya.
4 Aku Banae givetogana veimeya anaebavetoga-nai nagona wagaine, ani kadu veimeya anaebavetoga kaikaiwabudi tuweniti-fowa ibalawalilivugina, ada ebavetoga-dina wagaidiya tomiya gabama aditonagona tuweniti-fowa ivetogadi. Adiveigavu kaleko kwayakwayana, ada kuluwadiya kedukedu kaikaiwabuna ibubuna gola wagaine vaita kini adiveigavu anafaiweya. Kedukedu kaikaiwabuna inasena kini kuluwana wagaine.|alt="crown worn by a king" src="bk00158c.tif" size="col" loc="4:4 or 4:10" copy="Bass/Knowles" ref="4:4"
5 Ada veimeya anaebavetoga nagona wagaine-deya, atunama giatuatunama ada atala giluluatala ke butuna gilunununuga. Aku veimeya anaebavetoga wadebaine odama adiseveni iyabeyabela, tainei Yaubada Aluwaluwana adiseveni.
6 Kaduwe veimeya anaebavetoga wadebaine seyana gaitoma vaita lavu niwaniwalovina aku ibubuna kelasi wagaine, anaita vaita kelasi mamali-moena anafaiweya.
7 Ada gabama anagaitoma wayawaina nagona ani anaita vaita laiyoni anafaiweya, anavelu anaita vaita bulumakau anafaiweya, anaveto ani magigina anaita vaita kaliva anafaiweya, anavelaufuli anaita vaita manubutu giyaveyavega anafaiweya.
8 Ada badi gabama anagaitoma wayawaidi adilaufuli ani seyana seyana wa ofadi ani adiyoo sikisi, ada matadi ani vovodi matatabuna wagaidiya kadu ofadi dibudiya. Ada yadayada ke bogi keke ida veyaveyawai aku au tova moyaina ivonavona,
9 Ada Banae-nai givetovetoga veimeya anaebavetoga kaikaiwabuna wagaine ada gimiyamiya-vagata, ani badi gabama anagaitoma wayawaidi adilaufuli ikaikaiyena, ivemoimoinena, kadu ivesivesiuleyena. Ada gavatoveya taidei anafaiweya idewa,
10 ayo badi tomiya gabama aditonagona tuweniti-fowa ani iiboula-mowa ke ioduodu Banae miyamiyani-vagaina wagaine. Ada adikedukedu kaikaiwabuna iseobuyedi veimeya anaebavetoga wadebaine ada ivona,
11 “O Kauveya yama Yaubada, Oyeni iwaka-vagai