Salmos 70

1 အိုဘုရားသခင်၊ အကျွန်ုပ်ကို ကယ်တင်တော်မူပါ။ အိုထာ၀ရဘုရားသခင်၊ အကျွန်ုပ်ကို ကူညီရန် အလျင်အမြန်ကြွလာ တော်မူပါ။-

2 အကျွန်ုပ်ကို အသက်အန္တရာယ်ပြုရန် ကြိုးစားသောသူတို့ကို အရှက်ကွဲစေပြီး ကစဉ့်ကလျားဖြစ်စေတော်မူပါ။ အကျွန်ုပ်၏ အကျိုးစီးပွားပျက်စီးခြင်းများကို လိုလားသူများသည် အရှက်တကွဲဖြစ်ကာ တပ်လန်ကြပါစေ။-

3 အကျွန်ုပ်ကို လှောင်ပြောင်ပြက်ရယ်ပြုသူများသည် အရှက်ရသောကြောင့် ထွက်ပြေးကြရပါစေ။

4 ကိုယ်တော့်ကို ရှာသောသူတို့မူကား ရွှင်လန်းခြင်း၊ ပျော်ရွှင်ဝမ်းမြောက်ခြင်းတို့ကို ခံစားကြရပါစေ။ ကိုယ်တော်၏ ကယ်တင်တော်မူခြင်းကို ချစ်မြတ်နိုးသောသူတို့က ဘုရားသခင်သည် ကြီးမြတ်တော်မူပေ၏ဟူ၍ အဆက်မပြတ် ကြွေးကြော် နိုင်ကြပါစေ။-

5 အိုထာ၀ရဘုရားသခင်၊ အကျွန်ုပ်သည် ဆင်းရဲချို့တဲ့လှပါသော်လည်း အကျွန်ုပ်ထံသို့ အလျင်အမြန်ကြွလာတော်မူပါ။ ကိုယ်တော်သည် အကျွန်ုပ်ကို ကူညီမစတော်မူသောအရှင်နှင့် အကျွန်ုပ်၏ကယ်တင်ရှင် ဖြစ်ပါ၏။ အိုထာ၀ရ ဘုရားသခင်၊ နှောင့်နှေး ကြန့်ကြာတော်မမူပါနှင့် ။