Salmos 150

1 ထာ၀ရဘုရားသခင်ကို ချီးမွမ်းထောမနာပြုကြလော့။ ကိုယ်တော်၏ သန့်ရှင်းရာဌာန၌ ဘုရားသခင်ကို ချီးမွမ်းထောမနာ ပြုကြလော့။ ကိုယ်တော်၏ ဘုန်းတန်ခိုးထင်ရှားရာ ကောင်းကင်မျက်နှာကြက်၌ ကိုယ်တော်အား ချီးမွမ်းထောမနာ ပြုကြလော့။-

2 ကိုယ်တော်ပြုလုပ်တော်မူသော အံ့ဖွယ်အမှုအရာများအလိုက် ကိုယ်တော့်ကို ချီးမွမ်းထောမနာပြုကြလော့။ ကိုယ်တော်သည် အတိုင်းအဆမရှိ ကြီးမြတ်တော်မူသည်ဖြစ်၍ ကိုယ်တော့်ကို ချီးမွမ်းထောမနာပြုကြလော့။

3 တံပိုးခရာတို့ဖြင့် ကိုယ်တော့်ကို ချီးမွမ်းထောမနာ ပြုကြလော့။ စောင်းနှင့်စောင်းကောက်တို့ကိုတီးလျက် ကိုယ်တော့်ကို ချီးမွမ်းထောမနာပြုကြလော့။-

4 ဗုံကိုတီးလျက် ကခုန်၍ ကိုယ်တော့်ကို ချီးမွမ်းထောမနာပြုကြလော့။ ကြိုးတပ်တူရိယာများနှင့် ပုလွေများတီးမှုတ်လျက် ကိုယ်တော့်ကို ချီးမွမ်းထောမနာပြုကြလော့။-

5 အသံထွက်သော လင်းကွင်းများတီး၍ ကိုယ်တော့်ကို ချီးမွမ်းထောမနာပြုကြလော့။ ကျယ်လောင်စွာ တီးခတ်သော လင်းကွင်းကြီးများကိုတီး၍ ကိုယ်တော့်ကို ချီးမွမ်းထော မနာပြုကြလော့။-

6 အသက်ရှိသောသတ္တဝါအပေါင်းတို့၊ ထာ၀ရဘုရားသခင်ကို ချီးမွမ်းထောမနာပြုကြလော့။ ထာ၀ရဘုရားသခင်ကို ချီးမွမ်း ထောမနာ ပြုကြလော့။