1 အိုထာ၀ရဘုရားသခင်၊ ကူညီတော်မူပါ။ ဘုရားတရားရှိသူဟူ၍ တစ်ယောက်မျှ မကျန်တော့ပါ။ အကြောင်းမူကား သစ္စာရှိသော သူတို့သည် လူသားတို့အလယ်မှ ပျောက်ကွယ်သွားကြကုန်လေပြီ။-
2 လူတိုင်းသည် မိမိနှင့်နီးစပ်သောသူအပေါ် မုသားသုံး၍ မြှောက်ပင့်ပြောဆိုတတ်သောနှုတ်ဖြင့် မရိုးမသား လှည့်စားပြောဆို ကြပါ၏။
3 ထာ၀ရဘုရားသခင်သည် မြှောက်ပင့်ပြောဆိုသောနှုတ်များနှင့် အလွန်ဝါကြွားပြောဆိုသော လျှာများကို ဖြတ်တောက်ပစ် တော်မူပါစေ။-
4 သူတို့က ငါတို့၏နှုတ်လျှာဖြင့် ငါတို့သည် အနိုင်ရလိမ့်မည်။ ငါတို့၏နှုတ်များကို ငါတို့ပိုင်ဆိုင်သည်ဖြစ်၍ မည်သူသည် ငါတို့၏ဆရာဖြစ် သနည်းဟု ပြောဆိုကြပါ၏။
5 ဆင်းရဲသားတို့သည် ဖိနှိပ်အနိုင်ကျင့်ခံရပြီး ချို့တဲ့သူတို့သည် ညည်းတွားကြသောကြောင့် ယခုပင် ငါကြွလာတော်မူမည်၊ လုံခြုံရာအရပ်ကို လိုလားတမ်းတသောသူတို့အား ထိုအရပ်ကို ငါပေးမည်ဟု ထာ၀ရဘုရားသခင် မိန့်တော်မူ၏။-
6 ထာ၀ရဘုရားသခင်၏ ကတိတော်များသည် ဖြူစင်သန့်ရှင်းသော ကတိတော်များဖြစ်ပြီး မီးဖို၌ ခုနစ်ကြိမ်သန့်စင်ထားသော ငွေစင်ကဲ့သို့ဖြစ်ပါ၏။
7 အိုထာ၀ရဘုရားသခင်၊ အကျွန်ုပ်တို့ကို ဤလူမျိုးဆက်မှ အစဉ်ကာကွယ်၍ စောင့်ရှောက်တော်မူပါ။-
8 မကောင်းမှုသည် လူအပေါင်းတို့အလယ်တွင် ချီးမြှောက်ခြင်း ခံရပါသောကြောင့် ဆိုးယုတ်သော သူတို့သည် အရပ်ရပ်သို့ လှည့်လည်သွားလာလျက်ရှိကြပါ၏။