Salmos 110

1 ထာ၀ရဘုရားသခင်က သင်၏ရန်သူများကို သင်၏ခြေတင်ခုံအဖြစ် ငါပြုလုပ်တော်မူသည့်တိုင်အောင် ငါ၏ လက်ယာဘက်တွင် ထိုင်လော့ဟု ငါ၏ သခင်အား မိန့်တော်မူ၏။

2 ထာ၀ရဘုရားသခင်သည် ကိုယ်တော်၏တန်ခိုးကြီးသော ရာဇလှံတံကို ဇီအွန်မြို့မှ စေလွှတ်တော်မူ၍ သင်သည် ရန်သူများ အလယ်တွင် အုပ်စိုးရလိမ့်မည်။-

3 သင်သည် သင်၏တပ်များကို သန့်ရှင်းသောတောင်များပေါ်တွင် ဦးဆောင်ချီတက်သောနေ့၌ သင်၏လူမျိုးသည် မိမိတို့ကိုယ်ကို လွတ်လပ်စွာ ဆက်ကပ်အပ်နှံကြလိမ့်မည်။ ကိုယ်တော်၏ လူငယ်လူရွယ်တို့သည် နံနက်အချိန်၌ကျသည့် ဆီးနှင်းကဲ့သို့ သန့်ရှင်းသောဂုဏ်ကျက်သရေဖြင့် တန်ဆာဆင်လျက် ကိုယ်တော့်ထံသို့ လာရောက်ကြလိမ့်မည်။-

4 ထာ၀ရဘုရားသခင်က သင်သည် မေလ်ခိဇေဒက်၏ ရဟန်းမျိုးနွယ်နည်းတူ ထာ၀ရရဟန်းမျိုးဖြစ်သည်ဟု ကျိန်ဆိုတော်မူပြီးနောက် ကိုယ်တော်သည် တစ်ဖန်စိတ်ပြောင်းလဲတော်မူလိမ့်မည်မဟုတ်။

5 ထာ၀ရဘုရားသခင်သည် သင်၏လက်ယာဘက်တွင် ရှိတော်မူ၏။ ကိုယ်တော်သည် အမျက်ထွက်တော်မူသောနေ့၌ ဘုရင်တို့ကို ချေမှုန်းတော်မူလိမ့်မည်။-

6 ကိုယ်တော်သည် တိုင်းနိုင်ငံတို့ကို တရားစီရင်တော်မူပြီး ယင်းတို့ကို လူသေကောင်တို့ဖြင့် ပြည့်နှက်စေ၍ ကမ္ဘာ တစ်ဝန်းလုံးရှိ ဘုရင်တို့ကို ချေမှုန်းတော်မူပြီ။-

7 ကိုယ်တော်သည် လမ်းအနီးရှိ စမ်းချောင်းမှရေကို သောက်တော်မူလိမ့်မည်။ သို့ဖြစ်၍ ကိုယ်တော်သည် မိမိ၏ဦးခေါင်းကို မော့ထားလိမ့်မည်။