1 Ơ Yiang Sursĩ sốt clữi nheq tễ canŏ́h ơi! Lứq o yỗn hếq sa‑ỡn anhia!
2 Dũ tarưp pau atỡng tễ ŏ́c anhia ayooq mantái níc,
3 Noau tapáih crơng lampỡiq,
4 Ơ Yiang Sursĩ ơi! Anhia yỗn cứq sâng bũi o cỗ nhơ tễ ranáq anhia táq.
5 Ơ Yiang Sursĩ ơi! Ranáq anhia táq la toâr lứq!
6 Máh cũai sacũl tỡ bữn sapúh ntrớu,
7 lứq pai cũai loâi dáh sa‑ữi samoât bát,
8 yuaq anhia la Yiang Sursĩ ca sốt dũ náq cũai mantái níc.
9 Lứq samoât, Yiang Sursĩ ơi,
10 Anhia khoiq yỗn cứq bữn rêng samoât sangũr.
11 Moat cứq khoiq hữm máh cũai ễ cachĩt cứq, cỡt pê.
12 Cũai tanoang o ki toâr achỗn samoât nỡm tarễc,
13 Cũai ki la samoât aluang noau chóh dŏq tâng dống sang Yiang Sursĩ.
14 Toâq án crưong la noâng án cỡt palâi,
15 Ranáq nâi apáh tễ ngê Yiang Sursĩ la lứq pĩeiq.