1 Ơ Yiang Sursĩ ơi! Cứq sa‑ỡn cớp yám noap anhia nheq tễ rangứh rahỡ cứq.
2 Ơ Yiang Sursĩ Sốt Toâr Lứq ơi!
3 Tữ alới ca ễ cachĩt cứq hữm anhia, alới píh chu loah,
4 Anhia ỡt tâng ntốq sốt.
5 Anhia khoiq sữq dũ náq cũai ca tỡ bữn yám noap anhia.
6 Alới ca ễ cachĩt hếq khoiq pứt chơ, toau sốt dũ dỡi.
7 Ma Yiang Sursĩ la Puo ca sốt mantái níc.
8 Án rablớh tanoang lứq yỗn dũ náq cũai tâng cốc cutễq nâi.
9 Yiang Sursĩ la ntốq poâng yỗn dũ náq cũai ca ramóh túh coat,
10 Alới ca dáng ramứh Yiang Sursĩ, lứq alới sa‑âm án.
11 Cóq hái ũat khễn Yiang Sursĩ ca ỡt tâng vil Si-ôn,
12 Yiang Sursĩ sâng sarũiq táq chóq cũai ca chĩuq ramứh túh coat.
13 Ơ Yiang Sursĩ ơi! Sễq anhia bữn mứt lamên chóq cứq nứng!
14 Ngkíq, cứq têq ũat khễn anhia choâng moat cũai tâng vil Yaru-salem.
15 Máh cũai tỡ bữn sa‑âm anhia, lứq alới sapứl bữm tâng prúng alới khoiq píq.
16 Yiang Sursĩ khoiq apáh ranáq salễh yỗn dũ náq cũai hữm, án la Yiang tanoang tapứng lứq.
17 Cũai loâi pỡq chu ntốq cũai cuchĩt ỡt.
18 Máh cũai cadĩt, Yiang Sursĩ tỡ nai khlĩr alới.
19 Ơ Yiang Sursĩ ơi! Sễq anhia toâq chái!
20 Ơ Yiang Sursĩ ơi! Sễq anhia táq yỗn alới cangcoaih cớp ngcŏh anhia.