1 Cóq dũ náq anhia tamứng santoiq nâi!
2 dếh cũai toâr cớp cũai cớt, dếh cũai sốc cớp cũai cadĩt,
3 Bỗq cứq loai santoiq ca têq yỗn anhia cỡt rangoaiq,
4 Sanua cứq chanchớm tễ ŏ́c rangoaiq achúc achiac hái,
5 Cứq tỡ bữn sâng ngcŏh ntrớu bo tangái túh arức toâq,
6 Alới ưo tễ crơng alới bữn,
7 Ma tỡ bữn cũai aléq rơi pláih dỡi tamoong án chuai cũai canŏ́h,
8 yuaq kia dỡi tamoong la ntâng lứq,
9 dŏq pláih yỗn cũai tỡ bữn cuchĩt,
10 Dũ náq cũai la dáng tễ máh cũai rangoaiq,
11 Lứq pai alới bữn cutễq ndỡm,
12 Ngkíq ŏ́c sốt toâr ki tỡ têq chuai yỗn alới bữn tamoong.
13 Ngkíq, rana alới pỡq, ki pỡq puai rangứh alới bữm,
14 Alới la samoât charán cữu noau anoat tangái cóq cuchĩt.
15 Ma Yiang Sursĩ thái loah raviei cứq tễ ntốq cũai cuchĩt ỡt.
16 Chỗi sarốh sarnớm ntrớu bo noau cỡt sốc bữn,
17 Toâq alới cuchĩt, alới tỡ têq dững muoi ramứh ntrớu tễ mun ki.
18 Lứq pai alới chanchớm dỡi tamoong alới la o lứq,
19 ma nheq náq alới cóq cuchĩt machớng achúc achiac alới tê,
20 Ngkíq, ŏ́c sốt toâr tỡ têq chuai ntrớu yỗn alới bữn tamoong níc.