1 A‑ễm la ariang con mansễm puo;
2 Taluih a‑ễm cỡt samoât muoi bễng tangan poân vuvỡ blŏ́ng
3 Bar ŏ́c tóh a‑ễm la samoât bar lám yỡt lơ-lơ cartuan.
4 Tacong a‑ễm cỡt samoât ngôl kĩaq
5 Plỡ a‑ễm la samoât anũol cóh Car-mel.
6 Roâp a‑ễm la‑ĩat lứq, o luat ngư!
7 Tỗ a‑ễm la samoât nỡm tarễc;
8 Cứq ai ễ poah chỗn tâng nỡm tarễc ki,
9 Bỗq a‑ễm samoât riang blŏ́ng nho cỗt lứq.
10 Cứq cỡt khong cũai cứq ayooq;
11 Ơ cũai cứq a‑ễm ayooq ơi! Hâi! Hái pỡq yáng tiah vil,
12 Hái tamỡ tễ cláih pỡq nhêng voar nho báiq ma tỡ yũah.
13 Hái bữn sâng hỡi phuom tễ piar ca radững yỗn cũai sâng ayooq.