1 Di munan, dee dulê Dwata talù di dad gutambulto fagu di dad tugadan, na sahal kfagun mimò dun.
2 Bay di fulé du ani, ta talù Dwata di gito fagu di Ngàan. Nimòan i klamang banwe fagu di Ngàan, na nalékan kenen mfun i kdeen.
3 I kdatah Dwata, teen di Ngàan, na too salngad kagkahan di kagkah Dwata, na kenen magot i klamang banwe fagu di too maltulus talùan. Di kafngen malob dad salà i dad to, ta sudeng kenen gsen di kwanan i Dwata ditù di langit.
4 Mgimò Dyisas mdatah fa di dad kasaligan i Dwata. Na i dagit blé Dwata di kenen mdatah fa di dagit i dad kasaligan.
5 Du là lmen Dwata man di balù satu kasaligan,
6 Bay di ta fan kdek Dwata i lo sen Ngàan dini di tah tanà, lêan man,
7 Ani man Dwata gablà di dad kasaliganan,
8 Bay gablà di Ngàan, ani manan,
9 Kanbongam nawa i tluh, bay nuteh nawam i sasè.
10 Na lêan man,
11 Mlanas i kdee ayé, bay ge, là mgilih. Salngad ale klaweh salu di gulabin.
12 Lanfìam ale salngad saul, na tanlas ale salngad klaweh.
13 Là lmen Dwata man di balù satu kasaliganan,
14 Bay dét kè i dad kasaligan? Dale i dad tulus talbahò di Dwata, du dekan ale tmabeng di dad to fan gamdawat i sikof kagalwà.