1 Tamo Koba Qotei a Saion mana goge dia Jerusalem qure atej unu. A na Israel naŋgo qure kiñilala kalil qalaqalainjreqnu. Ariya a na Jerusalem qure olo tulaŋ qalaqalaiyeqnu.
3 O Jerusalem qure, tamo uŋgasari naŋgi na ni endegsib mermeqnub, “Ni Qotei aqa qure bolequja.”
4 Qotei Goge Koba a endegsi marqas, “E segi na Jerusalem qure torei siŋgilatqai. Qure di sawa bei bei qaji naŋgo qure sqas.” Od, Tamo Koba Qotei a na sawa bei bei qaji naŋgo ñam neŋgreŋyosim marqas, “Naŋgi Jerusalem qaji.” Agi a endegsi mareqnu, “Tamo uŋgasari e qa qalieonub qaji naŋgo ñam e na neŋgreŋyqai. Tamo uŋgasari naŋgi di Isip, Babilon, Filistia, Tair, Itiopia qaji. E naŋgi qa marqai, ‘Naŋgi Jerusalem qaji.’” Qotei a degsi mareqnu.
7 Deqa sawa bei bei qaji naŋgi lou tuoqnsib areboleboleinjrim maroqnqab, “O Jerusalem qure, iŋgi bole bole iga ejunum qaji di ni segi utru.”