1 Nami Israel naŋgi Isip sawa uratosib gileb. Isip naŋgi anjam bei qaji. Israel naŋgi Jekop aqa leŋ.
2 Bati deqa Qotei na Juda aqa leŋ naŋgi giltnjrnaqa naŋgi aqa atra tal bul soqneb. A na Israel naŋgi giltnjrnaqa naŋgi aqa segi tamo uŋgasari soqneb.
3 Naŋgi Isip sawa uratosib gileqnabqa Yuwal Lent a Qotei unsiqa ulaŋej. Jordan Ya a tigelej deqa a olo aiyosaioqnej.
4 Mana kokba ti mana kiñilala ti naŋgi kaja du du bulosib prugoqneb.
5 O Yuwal Lent, ni kiyaqa ulaŋem? O Jordan Ya, ni kiyaqa olo aiyosaioqnem?
6 O mana kokba ti mana kiñilala ti, niŋgi kiyaqa kaja du du bulosib prugoqneb?
7 O mandam, Tamo Koba a beqnu deqa ni reŋgiŋame. Od, Jekop aqa Qotei a beqnu deqa ni reŋgiŋame.
8 Wadau sawaq dia Qotei a meniŋ bulyonaqa a ya kuru babej. Qotei a meniŋ kobaquja bulyonaqa a ya jumbum kobaquja babej.