1 O mandor, gulbe bati qa Tamo Koba Qotei a ino pailyo queme. Jekop aqa Qotei a na ni taqatmeme.
2 A aqa atra talq di sosimqa ni aqaryaimosim siŋgilatmeme. Atra tal di Saion qureq di unu.
3 Wagme kalil ni ŋamyuwo na koitoqnsim Qotei atraiyeqnum qaji di a na unsim areboleboleiyeme.
4 Ni iŋgi kiye qa arearetmeqnu di Qotei na emekriteme. A na ni aqaryaimimqa wau kalil ni yqajqa are qaleqnum qaji di bole branteme.
5 Iga Qotei aqa ñam na gago toqor soqtimqa ino qoto tamo naŋgi toqor deq gilsib koroebe. Koroabqa gago Qotei a ino baŋ siŋgilatimqa ni qoto buŋyim iga leleŋ na ti arebolebole na ti sqom. O mandor, ni Tamo Koba Qotei pailyimqa a ino pailyo kalil quetmeme.
6 Tamo Koba Qotei a na mandor di giltej. E qalie, Qotei na mandor di aqaryaiyeqnu. A aqa segi laŋ qureq di sosiqa mandor aqa pailyo queteqnu. A aqa segi siŋgila na mandor aqaryaiyeqnaqa mandor a qoto buŋyeqnu.
9 O Tamo Koba Qotei, ni na mandor aqaryaiyime. Yim a qoto buŋyqas. Iga ni metmimqa ni gago pailyo que.