1 O Tamo Koba Qotei, bati gembub ni ino ulatamu e qa ulitoqnqam? Ni gaigai e qa are walmoqnqas kiyo?
2 Bati gembub e are jaqatiŋboqnqas? Bati gembub e are gulbe ti sqai? Bati gembub ijo jeu tamo naŋgi na e buŋboqnqab?
3 O ijo Tamo Koba Qotei, ni e qa are qalsim ijo pailyo quetbime. Ni na e siŋgilatbosim ŋambile ebe. Ni degyqam di e moiqasai.
4 Od, ni degyqam di jeu tamo naŋgi e qa endegsib marqa keresai, “Iga a qalnum koboqo.” O Abu Qotei, ni na e aqaryaibime. Ni degyqam di e padalqasai. Jeu tamo naŋgi ijo gulbe qa areboleboleinjrqasai dego.
5 Ariya e ni qa ijo areqalo siŋgilateqnum deqa e qalieonum, ni bati gaigai e qalaqalaiboqnqam. Ni e padalo sawaq na eqnum deqa e ni qa tulaŋ areboleboleiboqnqas.
6 Od, e Tamo Koba Qotei qa louoqnsiy aqa ñam soqtoqnqai. Di kiyaqa? A na e tulaŋ boletbeqnu deqa.