1 Tamo uŋgasari Tamo Koba Qotei qa naŋgo areqalo siŋgilateqnub qaji naŋgi Saion Mana bul unub. Mana di siŋgila koba. A reŋgiŋqa keresai. A gaigai bole sqas.
2 Bati endeqa ti bunuq qa ti Tamo Koba Qotei na aqa segi tamo uŋgasari naŋgi agutnjroqnsim taqatnjroqnqas. Mana naŋgi Jerusalem qure aguteqnub dego kere.
3 Qotei na kumbra uge yo qaji mandor naŋgi saidnjrimqa naŋgi na tamo uŋgasari tiŋtiŋ naŋgo mandam taqatqasai. Naŋgi na taqateb qamu tamo uŋgasari tiŋtiŋ naŋgi dego kumbra uge yoqneb qamu.
4 O Tamo Koba Qotei, ni na tamo uŋgasari kumbra bole yeqnub qaji naŋgi so bole enjrime. Od, ni na tamo uŋgasari areqalo bole ti unub qaji naŋgi so bole enjrime.
5 O Israel, niŋgi lawo soqniy. Niŋgi qalie, Tamo Koba Qotei na tamo uŋgasari gam uge dauryeqnub qaji naŋgi qoreinjrqas. A na naŋgi ti tamo uŋgasari kalil kumbra uge yeqnub qaji naŋgi ti qoreinjrqas.