1 དེ་ནས་ངས་དཀོན་མཆོག་གི་ཞིང་ཁམས་སུ་རྟགས་ཆེ་ཞིང་ཡ་མཚན་ཆེན་པོ་ཞིག་མཐོང་སྟེ། ཕོ་ཉ་བདུན་གྱིས་དཀོན་མཆོག་གི་ཐུགས་ཁྲོ་རྫོགས་པའི་ཆག་སྒོ་མཐའ་མ་བདུན་པོ་དེ་ཚོ་འཁྱེར་ཡོད།
2 ངས་མེ་དང་འདྲེས་པའི་ཤེལ་གྱི་རྒྱ་མཚོ་འདྲ་བ་ཞིག་དང༌། དེའི་འགྲམ་ལ་གཅན་གཟན་དང༌། དེའི་འདྲ་སྐུ་དང་དེའི་མིང་གི་ཨང་གྲངས་ལས་རྒྱལ་བ་རྣམས་དཀོན་མཆོག་གི་པི་ཝང་འཁྱེར་བ་མཐོང༌།
3 ཁོ་ཚོས་དཀོན་མཆོག་གི་ཞབས་ཕྱི་མོ་ཤེའི་མགུར་མ་དང༌། ལུ་གུའི་མགུར་མ་བཞེས་ཏེ།
4 སུ་ཞིག་ཁྱེད་ལ་མི་བཀུར་ལ། །
5 དེ་རྗེས་ངས་བལྟས་ཏེ་དཀོན་མཆོག་གི་ཞིང་ཁམས་སུ་མཆོད་ཁང་གི་དཔང་པོའི་གུར་མཆོག་ཕྱེས་པ་མཐོང༌།
6 ཆག་སྒོ་བདུན་འཁྱེར་བའི་ཕོ་ཉ་བདུན་མཆོད་ཁང་གི་ནང་ནས་ཐོན། ཁོང་རྣམས་ཀྱིས་དྲི་མ་མེད་པའི་ན་བཟའ་གཙང་ལ་བཀྲག་མདངས་ལྡན་པ་ཞིག་དང༌། སྐུ་བྲང་ལ་གསེར་གྱི་སྐུ་རས་བཞེས།
7 སེམས་ཅན་བཞི་པོ་ལས་གཅིག་གིས་ཕོ་ཉ་བདུན་པོ་ལ་རྟག་ཏུ་གནས་པའི་དཀོན་མཆོག་གི་ཐུགས་ཁྲོ་ཡིས་གང་བའི་གསེར་གྱི་ཕོར་པ་བདུན་གནང་ནས།
8 མཆོད་ཁང་ནི་དཀོན་མཆོག་གི་གཟི་བརྗིད་དང་ནུས་མཐུ་ལས་བྱུང་བའི་དུ་བས་གང་བས། ཕོ་ཉ་བདུན་གྱི་ཆག་སྒོ་བདུན་དེ་མ་ཚར་བའི་བར་དུ་མི་སུའང་དེའི་ནང་ལ་འགྲོ་མ་ཐུབ་བོ། །