1 Pagkatabok ninra sa ragat, nagkinanta si Moises ag kag mga Israelinhon para sa GINO-O it tuyar kali:
2 Kag GINO-O kag nagtata-o sa amo it kusog,
3 Kag GINO-O ay sundalo nak waya't kapantay.
4 Kag mga karwahe ni Paraon ag kag ida mga sundalo,
5 Kag marayom nak tubi it nagtabon sa inra.
6 Kag Imo tuong damot, amo GINO-O, ay makagagahom.
7 Ikaw nak Halandong Hari,
8 Pay Imo yang inghuyop, ag natunga kag tubi.
9 Kag mga kaaway ay naghinambog,
10 Pero sa usang hudop yang Nimo,
11 Si-o sa inra mga dios kag makakapantay sa Imo,
12 Pay Imo yang ginghunat kag Imo tuong damot,
13 Dahil sa Imo waya gibabag-ong pagpalangga,
14 Kali ay mababantog sa ibang mga nasyon,
15 Kag mga pinuno it Edom ay magkakahadlok.
16 Kahadlok ag pagkalibog kag mahari sa inra.
17 Aray-on Nimo kami ag ibutang sa Imo gingpromisang duta,
18 Kag GINO-O it mahari hastang sa waya't katapusan.”
21 Tuyar kali kag kanta ni Miriam:
22 Pagkatapos, gingpahanra ni Moises kag mga Israelinhon sa pagpadayon, ag nagginaney sinra halin sa Puyang Ragat papagto sa Disyerto it Sur. Nagpanaw sinra sa sakop it tatlong adlaw, ag waya sinra't nakitang tubi.
23 Tong bandang huli, nakaabot sinra sa tuburan it Mara, ugaling indi ninra mainom kag tubi ruto dahil kali ay mapait. Kada kaling tuburan ay gingtawag nak Mara.
24 Ngani, nagnginuyob kag mga tawo laban kang Moises, ag siling ninra, “Ni-o ngasing kag ato ainumon?”
25 Dahil rili, sida ay nag-ayaba sa GINO-O. Ag gingtudlo sa ida it GINO-O kag usang klasing sanga raha. Ingbaoy nida kina ag ingpilak sa tubi, ag kag pait it kinang tubi ay nabaoy.
26 Siling Nida sa inra, “Ako kag GINO-O nak inro Dios, kung kamo yang ay magpanimati it maado sa Ako gingsisiling sa inro, ag himuon kung ni-o kag tama sa Ako pagmuyat ag tumanon kag Ako mga kasuguan, ay indi Nako giparaya sa inro kag mga sakit tuyar sa Ako gingparaya sa mga Ehiptohanon, dahil Ako kag GINO-O nak inro manugbuyong.”
27 Pagkatapos it kina, kag masunor nak lugar nak inra ingsamputan ay Elim, kung hariin ay inggwa't doseng tuburan ag sitentang puno it palmera. Ruto sinra gikampo sa palibot it mga tuburan.