1 Ati ya listaan mani ninunun Jesu Cristu ya layin David ya layin Abraham.
2 Si Abraham ya bapan Isaac,
3 Si Juda ya bapa lan Fares buy si Zara, buy si Tamar ya indu la,
4 Si Aram ya bapan Aminadab,
5 Si Salmon buy si Rahab ya bapa buy indu nan Boaz,
6 Si Jesse ya bapan Arin David
7 Si Solomon ya bapan Rehoboam,
8 Si Asa ya bapan Jehoshafat,
9 Si Ozias ya bapan Jotam,
10 Si Ezequias ya bapan Manases,
11 Si Josias ya bapan Jeconias buy mapatêl na. Sa panawun abiin, dinakêp pa mani Israelita buy inipus sila sa Babilonia.
12 Pamakayari silan inipus sa Babilonia, nagin anak Jeconias si Salatiel
13 Si Zerubabel ya bapan Abiud,
14 Si Azor ya bapan Sadoc,
15 Si Eliud ya bapan Eleazar,
16 Si Jacob ya bapan Jose ya asawan Maria. Si Maria ya indun Jesus ya pambêgên Cristu.
17 Kabay dilag gan mapu buy apat ta layi ya ubat kan Abraham angga kan David, dilag mapu buy apat ta layi ya ubat kan David angga sa pangaipus mani Israelita sa Babilonia, buy dilag mapu buy apat ta layi ya ubat sa pangaipus angga sa in-anak si Jesus ya pambêgên Cristu.
18 Paradi ya pamianak kan Jesu Cristu. Si Maria ya indu na, nakal-an nan itangên kan Jose. Nuwa bayu sila miawyun, natandan Mariay nabuktut ya sa kapamilatan Ispiritun Bapan Namalyari.
19 Si Jose ya mapag-asawa na, gisa yan matinêk ka tawu buy a na labay mipakadêng-êy si Maria. Kabay naisip nay makisyay ya kan Maria un liim.
20 Nuwa kaban pan-isipin Jose ya abitu, nagpakit sa sulêplêp nay gisay ang-el Bapan Namalyari ya nagsabin, “Jose, layin David, agana ka malimun tangênên si Maria tagawan nangalêk ya sa kapamilatan Ispiritun Bapan Namalyari.
21 Manganak yan gisay liyaki buy ya ipalagyu mu kana, Jesus, tagawan iligtas nay mani tawu na sa mani kasalanan la.”
22 Nalyari ya kaganawan abiin amên matupad da sinabin Bapan Namalyari sa kapamilatan propeta,
23 “Mangalêk ka gisay dalaga
24 Sên nimata si Jose, sinunul nay sinabin ang-el Panginuun buy tinangên na si Maria.
25 Nuwa a na ginêtan si Maria angga sa naianak nay gisay liyaki. Sên naianak kay kulaw, impalagyuy nan Jose kanay Jesus.