Marcos 1 (BLT) — Bíblia Fala

1 Kháo ꞌhung saư ꞌviạk Chảu ꞌGiê‑ꞌsu ꞌKha‑ꞌlịt phủ pên ꞌLụk ꞌchái Chảu Pua#ꞌPhạ, cốc ꞌmắn pên ꞌmá ꞌsướng#ꞌnị:

2 Té pang ꞌchạu, pú Ê‑ꞌsa‑da phủ pên ꞌlam páo ꞌquám Chảu Pua ꞌPhạ đảy tẻm ꞌchiến ꞌvạy#ꞌva:

3 ꞌMí sương khék nẳng ꞌtông hẻng ꞌlẹng

4 ꞌLẹo [ꞌhọt pang Chảu ꞌGiê‑ꞌsu] chắng ꞌmí phủ#ꞌnưng ꞌchư Dô‑ꞌhăn ꞌmá ꞌdệt ꞌhịt bắp‑ti‑sa‑ꞌma hảư dên ꞌpay nẳng ꞌtông#ꞌlẹng. ꞌTan Dô‑ꞌhăn páo hảư ꞌdệt ꞌhịt bắp‑ti‑sa‑ꞌma, mai#ꞌva piến chaư ꞌváng sia ꞌluống ꞌtáng báp#ꞌsội, ꞌpưa hảư Chảu Pua ꞌPhạ dáng#ꞌdóm.

5 ꞌPứng ꞌcốn ꞌtua phén đin Du‑đai ꞌtếng#cá ꞌmướng ꞌGiê‑ꞌlu‑ꞌsa‑ꞌlêm, phaư ꞌcọ đảy ók pay ha ꞌtan Dô‑ꞌhăn. Sau nhẳn#ꞌva đảy ꞌdệt ꞌnéo báp#ꞌsội, ꞌlẹo ꞌtan Dô‑ꞌhăn ꞌdiến ꞌdệt ꞌhịt bắp‑ti‑sa‑ꞌma hảư sau nẳng ꞌme ꞌnặm Do‑đa‑ꞌnê.

6 ꞌTan Dô‑ꞌhăn ꞌnung sửa khôn tô ꞌlạc#đả, ꞌhặng sai eo#năng, kin tắc ten kéng ꞌnặm#phởng.

7 ꞌTan đảy páo#ꞌva, “Phủ#ꞌnưng ꞌmí chức nháư ꞌquiến luông ꞌsứa khỏi ꞌchí ꞌmá tốc#lăng. Khỏi pên ꞌcốn nả ꞌnọi ta#tắm, báu#sôm đáng ꞌchí cổm hua ꞌlống kẻ sai ꞌhái hảư ꞌTan phủ ꞌnặn cá#đaư.

8 Khỏi au ꞌnặm ꞌdệt ꞌhịt bắp‑ti‑sa‑ꞌma hảư ꞌpứng#chảu, hák#ꞌva ꞌTan phủ ꞌnặn ꞌchí ꞌdệt bắp‑ti‑sa‑ꞌma ꞌnéo sống Chảu Khuôn Saư ꞌmá sáư ꞌpứng#chảu.”

9 ꞌChớ ꞌnặn Chảu ꞌGiê‑ꞌsu ók té ꞌmướng ꞌNa‑ꞌsa‑ꞌlệt phén đin ꞌKha‑ꞌli‑ꞌlê pay ꞌdệt ꞌhịt bắp‑ti‑sa‑ꞌma nẳng ꞌtan Dô‑ꞌhăn nẳng ꞌme ꞌnặm Do‑đa‑ꞌnê.

10 Cuông ꞌchớ Chảu ꞌGiê‑ꞌsu ók nẳng ꞌnặm#ꞌmá, ꞌdiến hên ꞌtọng ꞌphạ khay#ók, ꞌlẹo Chảu Khuôn Saư pên ꞌsướng ꞌnộc#sau ꞌlống ꞌmá sú ꞌTan#chảu.

11 ꞌDiến ꞌmí sương ꞌvạu ꞌlống ꞌmá té ꞌphạ#ꞌva, “Chảu pên ꞌLụk ꞌchái ꞌhặc sương khong#ꞌPo, ꞌPo sôm chaư nẳng ꞌLụk#lai.”

12 ꞌLẹo Chảu Khuôn Saư ꞌdiến ꞌchuốn chaư Chảu ꞌGiê‑ꞌsu ók pay cá ꞌtông#ꞌlẹng.

13 ꞌTan chảu dú nẳng hẳn đảy sí síp ꞌmự ꞌtoi ꞌpứng tô sắt#pá, chuốp phi ꞌSa‑tan ꞌmá ꞌlứa ꞌdệt#phít. ꞌPứng tiên ꞌchạư ꞌcọ ꞌmá ꞌchạư soi ꞌTan#chảu.

14 ꞌMưa ꞌtan Dô‑ꞌhăn chuốp pắt khảu ꞌtú#ꞌlẹo, Chảu ꞌGiê‑ꞌsu chắng ꞌcứn ꞌmứa phén đin ꞌKha‑ꞌli‑ꞌlê, páo kháo ꞌhung saư Chảu Pua ꞌPhạ#ꞌva,

15 “ꞌChớ hên phén ꞌhôm ꞌngáu Chảu Pua ꞌPhạ ꞌcọ khảu ꞌmá chăm#ꞌlẹo. Hảư ꞌpứng chảu piến chaư ꞌváng sia ꞌluống ꞌtáng báp ꞌsội ꞌmá ꞌchưa kháo ꞌhung saư Chảu Pua ꞌPhạ#ꞌnị.”

16 ꞌLẹo ꞌmưa Chảu ꞌGiê‑ꞌsu đang ꞌnhang ꞌliệp pay ꞌtoi ꞌhím nong luông nẳng phén đin ꞌKha‑ꞌli‑ꞌlê, chắng hên ꞌnọng ꞌpi ꞌnưng ꞌchư ꞌSi‑ꞌmôn kéng Ăn‑đê‑a, sau pên ꞌcốn ha#pa, ꞌchớ ꞌnặn sau đang ꞌquang he#dú.

17 ꞌTan chảu chắng bók sau#ꞌva, “ꞌMá ꞌtoi ꞌháu#ꞌí. ꞌHáu ꞌchí bók hảư ꞌpứng ꞌnọng ꞌhụ chướng ꞌchứa au phủ ứn ꞌmá ꞌtoi ꞌluống ꞌtáng#ꞌháu.”

18 ꞌSướng ꞌnặn ꞌnọng ꞌpi sau ꞌdiến ꞌváng he sia ꞌlẹo ꞌcọ pay ꞌtoi ꞌTan#chảu.

19 Chảu ꞌGiê‑ꞌsu ꞌnhang tó pay ꞌnọi#ꞌnưng ꞌcọ hên ꞌnọng ꞌpi#ꞌnưng máư ꞌchư Da‑cô‑bô kéng Dô‑ꞌhăn, pên ꞌlụk ꞌchái ꞌtan ꞌSê‑bê‑đai, ꞌnọng ꞌpi sau đang phung ꞌmóng dú cuông#ꞌhứa.

20 ꞌTan chảu ꞌcọ ꞌdiến khék#au, ꞌnọng ꞌpi sau ꞌcọ ꞌdiến ꞌváng ải sau ꞌvạy cắp ꞌpứng ꞌcốn chảng dú nẳng cuông ꞌhứa ꞌlẹo ꞌcọ pay ꞌtoi ꞌTan#chảu.

21 Mốt Chảu ꞌGiê‑ꞌsu pay cá ꞌmướng Ca‑pê‑ꞌna‑um, ꞌlẹo ꞌhọt ꞌmự ꞌdặng ꞌcắm ꞌTan chảu chắng khảu ꞌhướn ꞌsúm ꞌmứa bók ꞌquám Chảu Pua#ꞌPhạ.

22 ꞌPứng ꞌcốn đảy ꞌnghín ꞌquám ꞌTan chảu bók ꞌcọ lák chaư#lai, ꞌpưa#ꞌva ꞌTan chảu bók son pên phủ ꞌmí ꞌquiến nháư#bók, báu#pék ꞌpứng ꞌsáy bók ꞌluột#ꞌláng.

23 Cuông ꞌchớ dú nẳng cuông ꞌhướn ꞌsúm#ꞌnặn, ꞌcọ ꞌmí phủ#ꞌnưng phi ꞌhại ꞌtứ ꞌmắn#dú, ꞌmắn ꞌdiến khék khửn#ꞌva,

24 “ꞌGiê‑ꞌsu ꞌtáy ꞌmướng ꞌNa‑ꞌsa‑ꞌlệt ꞌhới, ꞌTan ꞌmá nuống ꞌpán ꞌsúm khỏi săng#ꞌlế? ꞌTan ꞌchí ꞌmá khả đắp siêu ꞌsúm khỏi sia#a? ꞌTan ꞌmen phủ đaư khỏi ꞌcọ ꞌhụ#ꞌlẹo, ꞌmen phủ pên théng ꞌpẹk saư ꞌmá té Chảu Pua#ꞌPhạ.”

25 Chảu ꞌGiê‑ꞌsu ꞌdiến sắng phi ꞌhại#ꞌva, “ꞌNhá pák#săng, hảư ꞌmứng ók pay sia phủ#ꞌnị.”

26 Phi ꞌhại ꞌdiến ꞌdệt hảư phủ ꞌnặn sắn tô#khửn, ꞌtếng khék ꞌhọng sương nháư#máư. Phi ꞌhại ꞌcọ ꞌdiến ꞌpai ók sia#ꞌmắn.

27 ꞌPứng ꞌcốn ꞌmá ꞌsúm phaư ꞌcọ hên lák#lai, chắng ổ ꞌtố căn#ꞌva, “ꞌSứ đaư chắng pên ꞌsướng#ꞌnị. ꞌQuám bók ꞌnị ꞌphắng lák lai#ꞌnọ, pên ꞌquám phủ ꞌmí ꞌquiến nháư#ꞌvạu, sắp phi ꞌhại ók sia ꞌcọ#đảy.”

28 ꞌLẹo nả ꞌviạk Chảu ꞌGiê‑ꞌsu ꞌnặn ꞌcọ ꞌdiến kháo ók pay ꞌtua bản ꞌtua ꞌmướng phén đin ꞌKha‑ꞌli‑ꞌlê ꞌnặn ꞌhụ#mết.

29 ꞌMưa mốt Chảu ꞌGiê‑ꞌsu ók ꞌhướn ꞌsúm#pay, ꞌcọ ꞌdiến khảu ꞌhướn ꞌSi‑ꞌmôn cắp Ăn‑đê‑a, ꞌmí ꞌtếng#cá Da‑cô‑bô kéng Dô‑ꞌhăn#é.

30 ꞌChớ ꞌnặn ꞌme ꞌnái ꞌSi‑ꞌmôn pên sảy ꞌnón#dú. ꞌTáy ꞌhướn sau ꞌdiến ꞌvạu hảư Chảu ꞌGiê‑ꞌsu ꞌhụ.

31 ꞌTan chảu chắng pay khắm ꞌmứ ꞌếm thảu ꞌnặn tứn#khửn, ꞌdiến đi#sảy. ꞌẾm thảu chắng au chaư sáư ꞌchạư soi mốt ꞌTan#chảu.

32 ꞌCăm ꞌmá, ta ꞌvến tốc ꞌlẹo, ꞌhướn đaư ꞌmí ꞌcốn chếp pên ꞌhứ#ꞌva chuốp phi ꞌtứ ꞌcọ ꞌpá ꞌmá ha Chảu ꞌGiê‑ꞌsu.

33 ꞌSướng ꞌnặn ꞌtếng#cá bản phaư ꞌcọ ꞌmá ꞌhốm dú tó nả tu ꞌhướn#ꞌnặn.

34 Chảu ꞌGiê‑ꞌsu ꞌchoi hảư lai ꞌcốn chếp pên lai ꞌnéo hảư hóm#đi, ꞌtếng sắp lai phi ꞌtứ ók ꞌpai sia phủ ꞌcốn#é. ꞌPứng phi ꞌhại ꞌnặn ꞌhụ chắc ꞌTan chảu ꞌmen ꞌcốn ꞌsướng đaư#ꞌlẹo, [hák#ꞌva ꞌTan chảu é hảư dăm#sia], chắng hảm báu#hảư phi#pák.

35 ꞌMự lăng Chảu ꞌGiê‑ꞌsu tứn té ꞌchạu báu ꞌhế#ꞌhung, ók pay ha bón ꞌquẹng#ꞌcốn, ꞌlẹo đé so Chảu Pua#ꞌPhạ.

36 Lăng ꞌmá ꞌSi‑ꞌmôn cắp sính ꞌcu chắng pay sáo ha ꞌTan#chảu.

37 ꞌPọ#ꞌlẹo, sau chắng ꞌvạu sú ꞌTan chảu#ꞌva, “ꞌChu ꞌcốn phaư ꞌcọ đang sáo ha ꞌTan#chảu.”

38 Chảu ꞌGiê‑ꞌsu chướng sau ꞌva, “ꞌHáu au căn pay bón ứn#máư, ꞌpưa ꞌháu ꞌchí páo ꞌquám Chảu Pua ꞌPhạ hảư lom bản lom ꞌmướng dú chăm ꞌnị#máư. ꞌHáu ꞌmá ꞌcọ ꞌpưa nả ꞌviạk ꞌnị#lo.”

39 ꞌSướng ꞌnặn Chảu ꞌGiê‑ꞌsu chắng pay ꞌtua phén đin ꞌKha‑ꞌli‑ꞌlê, páo ꞌquám Chảu Pua ꞌPhạ hảư lom ꞌhướn#ꞌsúm, ꞌtếng sắp phi ꞌtứ ꞌpai ók sia phủ#ꞌcốn.

40 ꞌMí phủ ꞌnưng pên ꞌhượn ꞌmá ꞌtạu kháu ꞌlống đé so Chảu ꞌGiê‑ꞌsu, “ꞌChiếng ꞌTan#chảu, ꞌva sôm chaư ꞌcọ ꞌdệt hảư khỏi hóm đi ꞌpẹk saư#đảy.”

41 ꞌNghín ꞌsướng ꞌnặn, Chảu ꞌGiê‑ꞌsu ꞌcọ ín đu ꞌcốn ꞌnặn#lai, chắng nhé ꞌmứ pay ꞌchắm ꞌlắm ꞌmo ꞌmắn ꞌtếng ꞌvạu#ꞌva, “ꞌHáu sôm#chaư, hảư hóm đi sia#ꞌnớ.”

42 Phủ pên ꞌhượn ꞌdiến đi sia#ngay, ꞌlắm ꞌmo ꞌmắn chắng đảy ꞌpẹk#kiểng.

43 ꞌTan chảu ꞌdiến bók ꞌmắn ók#pay, kéng hảm ꞌcặt ꞌmắn#ꞌva,

44 “ꞌNhá đảy ꞌvạu ꞌviạk ꞌnị hảư phaư ꞌhụ ꞌtẹ#ꞌnớ. ꞌMí ꞌto pay hảư phủ pên mo#bớng, ꞌlẹo hảư vảy ꞌsớ ꞌtoi ꞌquám pú ꞌMô‑ꞌsê bók#ꞌvạy, ꞌpưa pên chứng hảư sáu ꞌhụ#ꞌva đảy hóm đi ꞌpẹk kiểng#ꞌlẹo.”

45 Chảu ꞌGiê‑ꞌsu sắng ꞌsướng#ꞌnặn, hák#ꞌva ꞌcốn ꞌnặn ók pay ꞌtiện ꞌtố páo dai hảư ꞌchu ꞌcốn ꞌphắng ꞌtua lai#bón, chao#ꞌva ꞌdệt hảư Chảu ꞌGiê‑ꞌsu báu#ꞌtứ ꞌtang khảu pay cuông bản cuông ꞌmướng ꞌsướng ꞌchu ꞌtưa#đảy. ꞌTan chảu chắng pay ha ꞌtáng ꞌnọk dú bón ꞌquẹng#ꞌcốn. Hák#ꞌva ꞌcốn dú ꞌchu bón ꞌchu ꞌti ꞌcọ ꞌnhắng pay ha ꞌTan#chảu.

Marcos 1

Atalhos do teclado

Ler em outra tradução

Comparar lado a lado