1 Ki Yennu pak turin ki jiin yonkoonin po a,
2 “Juda mɔ kpemɔniie, kimaan u doi kpenne,
3 Mɔkita na tun bi daabae nyun po,
4 Tiŋ koore, kimaan saak ki baa, ki kpaara para biir,
5 Kɔnaaŋ nyɔr nyik u bike muuk ni, kimaan mɔɔt kaa.
6 Bɔnii see kunkona paake, ki foi ŋabitir nan mɔbɔi na,
7 N niib bui ki fabin turin a,
8 Israel teeb yada kur gaa a paake, fine nyinnit biak ni.
9 Bee ki a tee nan jɔɔ nba ki bi kpirɔ na?
10 Ki Yennu pak ki jiin niib na po a, “Bi lon n boor ni yaatu bonchiann, ki bia ki fit dia bi mɔŋi. Li paak, n par ki mei bi paaki. N saa tiar biit nba ki bi tun na, ki dat bi tubawa.”
11 Ki Yennu pakin a, “Daa piakin nan man somm niib na.
12 Bi-i lekii lor mɔi, ŋaan n kan gbiint bi mɔnii nba jiin sommir po na, ki bi-i lekii mann mujoonu piinii, nan jeet piinii maruŋ ki turin, ŋaan n par kan maŋ bi paak. N saa kpib tɔbii nan kon nan yiarii nie.”
13 Ŋanne ki n yet a, “Yabint Yennu, a mi nan a sɔkiniinba na yeen niib na nan tɔb koo kon sii kaa, a kimaan a sat mɔb nan parmaasir sii be ti tiŋ paak.”
14 Ŋaan ki Yennu jiin a, “Sɔkiniinba na fae n sann ni; n ki tumm, koo ki turib mɔb, koo ki pakib siari. Baa laat linba ki piak na ki nyii n boor kaa, bi buntaa na tee bon-yana nba ki bi dukine.
15 Min Yennu-e beera maa saa tun linba ki tur sɔkiniinba nba ki n ki tumm, ŋaan ki bi piak n sann ni, ki yeen a tɔb nan kon kan baar tiŋ na paak na. N saa kpib tɔb nan kon nie.
16 Binba ki bi pak maan na ki turib na mun bia saa kpo li sɔnu nie. Ki bi saa lu bi gbanant Jerusalem sɔnjot ni, ki sɔɔ sii kaa ki saa piibi. Linba na saa tun ki tur bi kur nan bi poob nan bi bonjai nan bi bonpoi. N saa te ki bin pa bi toonbiit paaka.”
17 Ki Yennu wannin a n pak tur niib na ki jiin n parbiir po ki yet a,
18 Mi-i kɔɔ muuk, n tuu la jab nba ki bi kpiib tɔb ni na gbanante,
19 Yennu, a set yêt Juda-e fabi-i? A ki loon Sayɔnn niibe-e?
20 Yennu, ti tun biirawa.
21 Tiat a mɔsonn na po, ki daa yêenti.
22 Tingbana na sɔɔ kaa ki saa fit tur saaki.