1 Li poor poe ki Moses nan Israel teeb na yin yaŋ na ki tur Yennu a:
2 Yennu-e tee paŋ daanɔ nba kɔn n paak.
3 Yennu tee kunkɔnkɔnnɔe, u sanne tee Yabint Yennu.
4 “U lu Ijipt lanjimanba nan bi taantorit mɔkgbeŋir ni.
5 Mɔksunsuŋ na piimma, ki bi kpii sik tiŋ po nan tann na.
6 “Yennu, a niidiitu mɔk yaarlituk paŋe,
7 A nyannchiɔŋ nie ki a tuu ber fiin a datai.
8 A da mɔkgbeŋir paake,
9 Ki datai na yet a, ‘Ti saa wei beribe ki soorib,
10 Ŋaan fin Yennu foont a foon yommo,
11 “Yennu, yenlanɔpoe tee nan fin na?
12 A tant a niidiitue, ki tingbouŋ na nak ti datai.
13 A dia a mɔsonn, ki gar a niib nba ki a fatib na tɔɔnn.
14 Niib gbate, ki jaŋmaanii jekib,
15 Yanputuko jek Edom tɔɔndamm.
16 Yanputuk nan jijeet baar bi paaka.
17 A baar namme ki tan maamm a kunkonn paak,
18 Yennu, fine sii tun tee kpanbar yaayoo nan yaayoo.”
19 Israel teeb na din somm tinkooŋ paake, mɔkgbeŋir na ni, ki poot. Ŋaan ki Ijipt teeb na, nan bi taanii, nan bi taantorit, nan li ŋmakit-teeb na nba sik mɔkgbeŋir ni yoo nba, ki Yennu jiin nyun na, ki li piimm.
20 Ki Yennu sɔkinii Miriam nba tee Aarɔnn niipoo na jii u bonfifaauk, ki pooleeb na wei u poor po, ki bi faa bonfifaat ki waa.
21 Ki Miriam yiin ki teemm a:
22 Ki Moses jii niib na mɔkgbeŋir na boor, ki saan namm kunkoouk nba ki bi yir Sur na ni. Bi din somm kunkoouk na ni daa ŋantaa, ŋaan ki ki la nyumi,
23 ki din tan baar siaminba ki bi yir Mara na, ŋaan leŋ nyun na din tone, ki bi ki fit nyuu. Ŋanne teen ki bi pur leŋ sann Mara.
24 Ki niib na din nyiir Moses ki boiɔ a, “Ti saa nyu bee?”
25 Ŋanne ki Moses miar Yennu nan u par kur, ki Yennu wannɔ dagbir, ki u jii lu nyun na ni, ki nyun na maŋ.
26 U din yetib a, “Li-i tee ki i saa sak n mɔb fanu kii tuun linba ŋan, ki bia dia n sennii na, n kan jii yiarii nba ki n din jii ki dat Ijipt teeb tuba na nan yenna ki dat i tuba. Mine tee Yennu, wunba teeni laafia.”
27 Li poor po, ki bi baar Elim, siaminba ki bunbuna piik nan ŋanlee be, ki kaatii piinlore bia be na, ki bi kar leŋ, ki kpian nyun.