1 Bi din jii Yennu mɔlor lakir na ki baar kɔɔn lanbouŋ nba ki Defid ŋamm na nie, ki ji mann mujoonu maruŋ nan piinii maruŋ ki tur Yennu.
2 Defid nba din mann maruŋ na ki gbenn yoo nba, ki u sat piisin ki teen niib na paak Yennu sann ni,
3 ki ji biit jeet ki tur bi kur. U din tor Israel jɔɔ nan poo kur boroboro kunn kunn, nan nanpurikir nan tilɔɔnkoona.
4 Defid din gann Liifai teebe ki bi tuu set Yennu mɔlor lakir na tɔɔnn ki ŋmakitirib, ki bi yiin yanii ki dontir Israel teeb Yennu.
5 U din gann Asaf-e ki u te bi saakɔɔ, ki Sekaria waa paa u paak, ki wei paan Jeyel nan Semiramof nan Jehiel nan Matitia nan Eliab, nan Benaya nan Obed-Edom nan Jeyel. Ŋamme din tee binba peeb naagbajai ki faa kɔna. Asaf-e din tee wunba faa duunu,
6 ki Benaya nan Jahasiel nba tee mannteeb na peeb naatuna yoo kur, Yennu mɔlor lakir na tɔɔnn.
7 Li daare ki Defid din sint senn Asaf nan u leeb Liifai teeb, a bii tuu kii yiin dontir yaŋ nba na kii teen Yennu.
8 Turin Yennu niipoouk, kii mɔɔntir u sann,
9 Yinin yaŋ ki pak u sann,
10 Ii mɔk parpeenn man, nan ti tee u yabe,
11 Saant Yennu boor ki la sommir,
12 Ii tiar bakitnauŋ nan yaar lituk toona nba ki u tun,
13 yimm nba tee Yennu toontunnɔ Jakɔb yaaboona,
14 Ŋɔɔe tee ti Yomdaanɔ Yennu,
15 I daa ban tammit Yennu mɔlor nba ki u lor,
16 mɔlor nba ki u din lor nan Abraham,
17 Yennu din lor mɔlor nan Jakɔb,
18 ki yet a, “Fine ki n saa tura Keenann tiŋ,
19 Yennu niib din ki yabi, ki tee saamm ki be Keenann tiŋ ni.
20 Bi din lin yiribe ki tuu saan doyenn ni ki ŋmat saan leer ni,
21 Yennu din ki te sɔɔ diimmi;
22 “I daa siin n nigannkab na,
23 Tingbouŋ na kur n yin yaŋ ki tur Yennu,
24 Ii mɔɔnt u baakir ki tur digbana,
25 Ti Yennu-e tee yabint daanɔ, ki ŋan nan tin pakɔ;
26 kimaan digbanlia yenbis na kur tee yanne,
27 ki baakir nan dontir tee u yar,
28 Pakin Yennu man, niib nba kur be tingbouŋ na ni,
29 Pakin ki dont Yabint Yennu paŋ.
30 Tingbouŋ na niib kur-ii be u tɔɔnn, kii jekir.
31 Ii ŋaan ki sanpaak nan tiŋ-ii mɔk parpeenn,
32 Ii ŋaan mɔkgbeŋa nan bonfoa nba kur be li ni na n dun;
33 ki lin te tiinii nba be fɔɔr ni na n yin yanii.
34 Turin Yennu niipoouk, kimaan u ŋan;
35 Ii yikin man ki yet a, “Ti tinntɔɔ Yennu, a tinnit,
36 Pakin ki dont Yennu, wunba tee Israel teeb Yomdaanɔ na.
37 Kpanbar Defid din senn Asaf nan u leeb Liifai teeb, a lii tee bi toonn yoo kur, ki bii be Yennu mɔlor lakir tɔɔnn, kii ŋmakitir, ki bi jiantir daakur.
38 U bia din senn Obed Edom nba tee Jedutunn bija na, nan u naakuuk ni niib piinloob nan banniin, a bii sommitib. Ŋɔɔ Obed Edom nan Hosa-e din tee tammɔguura.
39 Defid bia din senn manntɔɔ Sadok-e nan u mannteleeb, a bii gorii jiantii nba be Gibeonn na.
40 Sanyiɔk ni nan daajoouk kur, bin tuu mann mujoonu piinii, maruŋ binbintir na paak, ki tur Yennu, nan biaŋinba ki li sɔb sennu gbouŋ nba ki Yennu din tur Israel teeb na ni.
41 Bi din be nan Hemann nan Jedutunn nan leeb nba ki bi din gannib, a bii yiin donta yaŋ kii teen Yennu nae, kimaan u lomm kaa gbennu.
42 Hemann nan Jedutunn-e bia din tuu gorii naatuna nan duunii nan bonmumɔɔt nba kur ki bi tuu dia peeb, yoo nba ki bi yiin donta yanii. Jedutunn naakuuk ni niibe din tee binba guu tammɔi.
43 Niib na kur ji din yaate ki kun bi ŋei ni, ki Defid mun ŋmat kun u ŋaak ni, a wun saa nian u ŋaateeb.