1 Beli, Ulom abiw mutuk fian em emisik kamok fian Taibelius em kiin mali kel itol kese ding dim bakate, em weng afak kunum Fontius Failat e Sudia aneng fian beem yetebin kamok kebelei, kamok fian Antibas Kelot e Galili aneng fian beem yetebin kamok kese kale. Antibas Kelot beem ning Filiw e Itulia so Talakonitis so aneng fian alew biim yetebin kunum kebelei, Elisanias e Abilene aneng fian beem yetebin kunum kese kale.
2 Kunum angom biim kamok kamok kesiliw ding dim bakate, Anas so Kaiafas so aso i Sunbin-Got em am yol em kunum ayem sel alew kesiliw kale.
3 e uneko, Yoldan bang beleng aneng aneng angom kalo kawtiw ilo kitil weng mak bokoyemomele: “Yukalem ibolow sili sili nam koleweko, ibolow famdeko, okmun tem uniw tewe, Sunbin-Got e yom sili sili ibolow be atin kuw misim kuw koyemoke te!”, yangse kale.
4 Sua sua kel akate, Sunbin-Got em bontem dim bakamin kunum Aisaya e Sion em kaneloke beem dulum elote weng mak bokoko, fut tem elo bose kale. Em angse weng be kanekote:
5 Mamget mamget wawa kebe be kiol kuw kileleweko,
6 Kelewiwi, alik alik angom kawtiw i Sunbin-Got em nulo kilele dokoyemkabe aulamin be fein atemokoliw te.’, angakabe te.
7 Beli, kawtiw demdem i Sion em mit teleko, “Nulo ok da koyemoka!”, dangomin talsiliw kale. Teliwi, e ilo bokoyemomele: “Kimon so sokyan em muluwel atew yutaka! Sunbin-Got e yulo kaisuw duyemei, yu ilum fian mak kululokoliw te! Kasike kante bokoyemomele: ‘Yu ki keko, Sunbin-Got em yom dim elote tolomin kebe kasiuw beem awan fon unokoliw kai’, yangbe ya?
8 Yu yukalem ibolow sili sili nam be fein koleweko, ibolow fomdeliw tewe, yukalem kikis ibolow em kukuw bakati mali kawtiw ilo kukulew kukulew keboliwka! Feinka! Yu kanelom bokolomeliw: ‘Abalakam e nukalem abiok kumel keko, num kunum mongom kebe kasike, nu Sunbin-Got em fein angin nute te!’, ange ange kemokoliw te! Bayo! Yu kilele kililina! Sunbin-Got e ki keko, mali tum kale famdeko, ilo Abalakam em fein muluwel dow keyemoke te.
9 Yu kilelbiko, boliwka! Sek atul nam mak memen keko, ais mongom mit elo be kasike. Nim ais ete mak dem gilalinba kele tewe, Sunbin-Got e ais be gu mit dako, kubul de uneko, weing ais da kolewoke te.”, yangse kale.
10 Yangbelei, kunum waneng banso bi kiliko, Sion elo dakalewomeliw: “Kutaka! Nukalem ete nu nono kelokoluw a?”, dangsiliw kale.
11 Dangiwi, e ilo yan weng bokoyemomele: “Mali kawtiw mak i ilim alew mak auleko, biw tewe, i mak elo ilim banim keko, sak biliw kawtiw ilo dukayemboliwka! Beemidw, mali kawtiw mak i wanin so kebiw tewe, i wanin banim, sukum kebiliw kawtiw ilo dukayemboliwka!”, yangse kale.
12 Yangbelei, on kisol fokoliwi, deimaliw kunum mali mak ikati ok da koyemomin beem mongom teleko, elo dakalalomeliw: “Kukuyemin kunum kutaka! Nukalem ete nu nono kelokoluw a?”, dangsiliw kale.
13 Dangiwi, e yan weng bokoyemomele: “Yukalem kamok em ‘Yu tum win beem awet bete kuloliwka!’, yangakabe weng bete kuw fein gelewemoliwka! Yu kanelom em yange weng be bakilew kemokoliw te!”, yangse kale.
14 Yangei, mali wonuk so kunum ikati teleko, bokolewomeliw: “Nukalem ete nu nono kelokoluw a?”, dangiwi, e yan weng bokoyemomele: “Yu kanelom mali kawtiw ilo sak yen feiw koyemeko, ilo dasuw teing kang duyemiwi, i yom teing awan finganeko, on kisol so eisneng dukayembokoliw te! Yukalem aluwbamin beem yan be ki bakate kuw kulamoliwka!”, yangse kale.
15 Beli, beem ding dim bakate, kawtiw alik alik i Mesaya em toloke ding feneko, alakabiliw kasike, i ibolow fukunin tiaktiak kesomi, bokolomeliw: “Sion kalete, Mesaya ete sako?”, ange ange kesiliw kale.
16 Kesiliw kate, Sion e ilo bokoyemomele: “Yu kilele kililina! Ne sak ok kuw da koyemkabi kate, nemteben toloke kunum e kitil so auk so Kamok Fian keboke kasike, ne ki keko, elo dokoleweko, em yan aum em sok be nam silelewoki te. Kamok Fian beem toloke ding dim kabalak e, e yulo Sunbin-Finik so, ais kainin eisneng atew so, alew beso ok da koyemomin tew keyemoke te.
17 Em teing dim e manggal atew aluw teleko, wit wanin kal beem wolu kolew kemin dim kel wit wanin be kubuleko, am dukuloke te. Kate, e wit wanin beem kal be kubuleko, sunsun kuaninbakabe ais kul tem da koyemoke te.”, yangse kale.|alt="winnowing man" src="HK00097B.tif" size="col" ref="Iluk 3:17"
18 Yangbomi, kawtiw ilo weng tem tem makso kukuyemeko, Sunbin-Got em Weng Kal Ken Ati be ilo bokoyemse kale.
19 Keko beli, beem ding dim bakate, emisik kamok fian Antibas Kelot e akalem fik em kalel Kelodias ulo takaluko, kuluse kale. Keko beli, mali wa kukuw banso banso mak kekabe kasike, Sion be em kanekabe sili sili nam kukuw be kaim dim dako, elo sakalale dangse kale.
20 Dangei, Kelot e wa kukuw makso dawtolo tem dasomelei, Sion elo sok so net gelewko, sok am tem da kolewse kale.
21 Antibas Kelot em Sion elo sok am tem da kolinba kese ding dim bakate, Sion e kawtiw demdem ilo ok da koyemse kale. Beem ding dim mak bakate, Yesus akati em mit telei, Sion e elo ok da kolewse kale. Elo ok da kolew kemselei, Yesus em Sunbin-Got eso weng bokose ding dim bakate, abiil tikin busok angei,
22 Sunbin-Finik e awon abim atew mak kawkaw mit elo keemeko, Yesus em dim teinei, abiil kawtem elote weng mak bokolomele: “Ku nem ibolow mutuk fian so dukembi min kute te. Ne kalfong so katebi te.”, angse kale.
23 Yesus em aluwbamin kilse ding dim bakate, em itol e 30 kel atew kese kale.
24 Keli e Matat em min e,
25 Yosew e Matatias em min e,
26 Nagai e Mat em min e,
27 Yoda em min e Yoanan e,
28 Neli e Melki em min e,
29 El e Yosua em min e,
30 Elibai e Simeon em min e,
31 Eliakim e Melea em min e,
32 Debit e Sesi em min e,
33 Nason e Aminadaw em min e,
34 Suda e Sekow em min e,
35 Nakol e Seluk em min e,
36 Sela e Kainan em min e,
37 Alamek e Metusala em min e,
38 Kenan e Enos em min e,