1 Na da ha:giwane Godema dini iaha.
2 Bidi hamosu eso da nama doaga:sea, na da Hina Godema sia:ne gadosa.
3 Na da Gode dawa:sea, amola bobolesa.
4 Gode da daeya asili hahabe na mae golama:ne si daganesisa.
5 Na da eso bobaligila asi amo dawa:lala.
6 Na da gasi ganodini osodogone asigi dawa:suga dadawa: ahoa.
7 “Hina Gode da eso huluane nini higama:bela:?
8 E da ninima asigilalusu amo yolebela:?
9 Gode da ninima asigi gogolema:ne olofosu hou amo gogolebela:?
10 Amalalu, na da amane sia:i, “Na baligili se nabasu da agoaiwane gala.
11 Hina Gode! Na da Dia bagadedafa hamobe hou bu dawa:lumu.
12 Na da Dia hamoi liligi huluane bu dawa:lumu.
13 Gode! Dia hamobe liligi huluanedafa da hadigi fawane.
14 Di da Gode amo da degabo ba:su hou hamosa.
15 Di da Dia gasa bagade amoga Dia fi dunu gaga:i.
16 Gode! Hano huluane da Diba:le beda:i.
17 Mu mobi da gibu hano sogadigi.
18 Gugelebe da gobagala:su.
19 Di da hano gafului amodili ahoasu.
20 Mousese amola Elane ela da Dia fi ouligisu.