1 Gode! Di da hemonega, ninia aowalali ilia esalebe eso amoga
2 Di Disu da Dia hou hame dawa: dunu, amo Ga:ina:ne sogega gadili sefasili,
3 Dia fi dunu ilia gegesu gobihei amoga amola ilila: gasaga hame hasali.
4 Di da na Hina Bagade amola na Gode.
5 Amola ninia da Dia gasaga
6 Na dadi amola na gegesu gobihei da na gaga:mu,
7 Be Di fawane da ninia ha lai amoga gaga:i dagoi,
8 Ninia eso huluane mae fisili, Dima nodonanumu.
9 Be wali, Dia da nini yolesi dagoi.
10 Dia nini hame fidibiba:le, ninia da ninia ha lai amoba:le hobea:i.
11 Di da nini sibi fane legebe agoane hamoma:ne ninima gua:si.
12 Dia da Dia fidafa dunu amo bidi fonobahadi adole, amoga bidi lai.
13 Ninia fi gadenene fi dunu ilia da Dia ninima hamoi amoba:le
14 Dia hamobeba:le, fifi asi gala dunu huluane da ninima higale ba:sa.
17 Amo hou huluane da ninima doaga:i dagoi.
18 Ninia Dima fa:no bobogebe hame yolesi.
19 Be Di da fedege agoane nini sigua ohe amoga gasomoma:ne udigili yolesi.
20 Ninia da ninia Godema nodone sia:ne gadosu amo yolesi ganiaba
21 Di da amo dafawane ba:la:loba.
22 Be ninia Dima fa:no bobogebeba:le, eso huluane bogosu ba:lala.
23 Hina Gode! Di nedigima! Dia abuliba:le golai dianabela:?
24 Dia abuliba:le ninima wamoaligi dianabela:?
25 Ninia da osoboga gala:la daha.
26 Nini fidila misa! Nini gaga:ma!