1 Hina Gode! Na da Dia gaga:ma:ne Dima maha.
2 Na sia: nabima! Wahadafa na gaga:ma!
3 Dia da na gado sogebi amola na gaga:su gala.
4 Na sa:ima:ne sanenisi dialebe amoga dasa:besa:le, na fidima.
5 Hina Gode! Na da Dia ouligisu hou amoga ouligima:ne Dima yolesimu.
6 Di da ogogole ‘gode’ ilima nodone sia:ne gadobe dunu, ili higasa.
7 Di da nama maedafa fisili asigi hou dialebeba:le,
8 Di da nama ha lai dunu da na doagala:le fedele lama:ne hame hamoi.
9 Hina Gode! Nama asigima!
10 Na da da:i dioiba:le, helele ha:ha:i dagoi.
11 Nama ha lai dunu huluane, amola na gadenene dunu iliamusu,
12 Dunu huluane ilia da na bogoiyale, gogolele fisi dagoi.
13 Nama ha lai dunu bagohame ilia nama sadoga sia:dalebe, na naba.
14 Be Hina Gode! Na da Dima dafawaneyale dawa:sa.
15 Na da eso huluane Dia ouligibi hou ganodini esala.
16 Na da Dia hawa: hamosu dunu.
17 Hina Gode! Na da Dima wele sia:sa!
18 Gasa fi nimi bagade dunu da moloidafa dunu ilia hou olelema:ne,
19 Dunu da Dima nodone hamosa,
20 Eno dunu da ili wadela:ma:ne ilegesa.
21 Hina Godema hahawane nodoma!
22 Na da beda:i galu amola na da Ea yolesibala:le dawa:i galu.
23 Hina Godema mae fisili dafawaneyale dawa:su dunu huluane, dilia!
24 Dilia! Hina Gode da hobea misunu liligi huluane ouligisa.